2024ம் ஆண்டு ஜனாதிபதித் தேர்தலுக்கான வேட்புமனுக்கள் ஏற்கும் பணி இன்று(15) கொழும்பு, இராஜகிரியவில் உள்ள தேர்தல்கள் ஆணைக்குழுவில் நிறைவடைந்துள்ளது.
கட்டுப்பணம் செலுத்திய 40 வேட்பாளர்களுள் 39 பேர் வேட்புமனு தாக்கல் செய்துள்ளதாக தேர்தல்கள் ஆணைக்குழு அறிவித்துள்ளது.
இன்று(15.08) காலை 9 மணிக்கு ஆரம்பமாகிய வேட்புமனு தாக்கல் 11 மணிக்கு நிறைவடைந்தது.
வேட்புமனுக்கள் ஏற்றுக்கொள்ளப்பட்டதை தொடர்ந்து, ஆட்சேபனைகளை தாக்கல் செய்வதற்கு 11.30 மணி வரை கால அவகாசம் வழங்கப்பட்டிருந்தது.
இதன்போது 3 ஆட்சேபனைகள் முன்வைக்கப்பட்ட நிலையில், குறித்த ஆட்சேபனைகள் நிராகரிக்கப்பட்டதாக தேர்தல்கள் ஆணைக்குழு அறிவித்துள்ளது.
இதற்கமைய, இம்முறை ஜனாதிபதித் தேர்தலில் 39 வேட்பாளர்கள் போட்டியிடுவது உறுதி செய்யப்பட்டுள்ளது.