நாட்டின் வெவ்வேறு பகுதிகளில் பதிவான வாகன விபத்துக்களில் 4 பேர் உயிரிழந்துள்ளனர்.
குருநாகல் – நீர்கொழும்பு பிரதான வீதியின், வீரம்புகெதர பிரதேசத்திற்கு அண்மையில் வீதியில் பயணித்த பெண் மீது மோட்டார் சைக்கிளுடன் மோதி விபத்துக்குள்ளானதில், குறித்த பெண் உயிரிழந்துள்ளதாக பொலிஸார் தெரிவித்தனர்.
விபத்தில் படுகாயமடைந்த 68 வயதுடைய பெண் குருநாகல் வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.
இதேவேளை, கொழும்பு – புத்தளம் வீதியின் வயிக்கால பகுதியில் வான் ஒன்றும் மோட்டார் சைக்கிள் ஒன்றும் மோதியதில் மோட்டார் சைக்கிளில் பயணித்த 26 வயதுடைய நபர் உயிரிழந்துள்ளதாக பொலிஸார் தெரிவித்துள்ளனர்.
யாழ்ப்பாணம் – பரந்தன் வீதியில் பரந்தன் பகுதியில் இரண்டு மோட்டார் சைக்கிள்கள் ஒன்றுடன் ஒன்று மோதியதில் மற்றுமொரு விபத்து சம்பவித்துள்ளது.
இந்த விபத்தில் மோட்டார் சைக்கிளில் பயணித்த இருவரும் படுகாயங்களுடன் கிளிநொச்சி வைத்தியசாலையில் அனுமதிக்கப்பட்ட நிலையில், அவர்களுள் ஒருவர் உயிரிழந்துள்ளதாக பொலிஸார் தெரிவித்துள்ளனர்.
இதேவேளை, கிளிநொச்சி உருத்திரபுரம் பகுதியில் மோட்டார் சைக்கிள் ஒன்று கட்டுப்பாட்டை இழந்து வீதிக்கு அருகில் உள்ள வடிகாலில் விழுந்து விபத்துக்குள்ளானதில், மோட்டார் சைக்கிளில் பயணித்தவர் உயிரிழந்துள்ளார்.
தரணிக்குளம் பகுதியைச் சேர்ந்த 32 வயதுடைய நபரே இவ்வாறு உயிரிழந்துள்ளதாக பொலிஸார் தெரிவித்துள்ளனர்.