இன்று (17.01) முதல் மின்சாரக் கட்டணம் குறைவடையவுள்ளதாக பொது பயன்பாடுகள் ஆணைக்குழு தெரிவித்துள்ளது. சராசரியாக 20சதவீத குறைப்பு இன்று நள்ளிரவு முதல் அமுலுக்கு வரவுள்ளது என பொது பயன்பாடுகள் ஆணைக்குழு தலைவர் ஜயந்த ஹேரத் தெரிவித்துள்ளார். இந்த கட்டண மாற்றம் அடுத்த 6 மாதங்களுக்கு நடைமுறையில் இருக்குமென தெரிவிக்கப்பட்டுள்ளது.
30 கூறுகளுக்கு குறைவாக பாவிப்பவர்களுக்கு 29% குறைப்பும், 31-60 வரையான கூறுகளுக்கு 28% குறைப்பும், 61-90 வரையான பாவனையை கொண்டவர்களுக்கு 19% குறைப்பும் மேற்கொள்ளப்பட்டுள்ளது. 91-120 வரை பாவிப்பபவர்களுக்கு 20% உம், 121-150 வரையான பாவனையாளர்களுக்கு 24% குறைப்பும் 151-180 வரையான பாவனையாளர்களுக்கு 23% குறைப்பும் வழங்கப்பட்டுள்ளது. 180 கூறுகளுக்கு மேல் பாவிப்பவர்கள் 19% கட்டண குறைப்பை அனுபவிக்கவுள்ளனர்.
பொது சேவைகளுக்கு 11% குறைப்பும், ஹோட்டல்களுக்கு 31%குறைப்பும், தொழிற்சாலைகளுக்கு 30% குறைப்பும் சமய தலங்களுக்கு 21% குறைப்பும் திருத்தத்தில் மேற்கொள்ளப்பட்டுள்ளது. வீதி பாவனை மின்கட்டத்துக்கு 11% குறைப்பு மேற்கொள்ளப்பட்டுள்ளது.
இதன்படி, வீட்டுப் பிரிவின் கீழ், 0-30 இற்கு இடைப்பட்ட அலகுக்கான கட்டணம் 6 ரூபாயில் இருந்து 4 ரூபாவாகவும், 31-60 இற்கு இடையில் 9 ரூபாவிலிருந்து 6 ரூபாவாகவும் குறைக்கப்பட்டுள்ளது