இலங்கைக்கான ரஷ்ய தூதுவர் யூரி மேட்டேரி மற்றும் பாதுகாப்பு செயலாளர் ஜெனரல் கமல் குணரத்ன ஆகியோருக்கிடையில் நேற்று சந்திப்பொன்று இடம்பெற்றுள்ளது.
இந்த சந்திப்பு ஸ்ரீ ஜயவர்தனபுர, கோட்டேயில் அமைந்துள்ள பாதுகாப்பு தலைமையகத்தில் இடம் பெற்றது.
பாதுகாப்பு தலைமையகத்திற்கு வருகை தந்த ரஷ்ய தூதுவர் தலைமையிலான தூதுக்குழுவினரை பாதுகாப்பு செயலாளர் வரவேற்றதுடன் தொடர்ந்து இடம்பெற்ற சந்திப்பில் இருதரப்பு முக்கியத்துவம் வாய்ந்த விடயங்கள் மற்றும் இராணுவ இராஜதந்திர விடயங்கள் தொடர்பாக சினேக பூர்வ கலந்துரையாடல் ஒன்று இடம்பெற்றது.
இந்த சந்திப்பில் பாதுகாப்பு அமைச்சின் மேலதிக செயலாளர் பி பி எஸ் சி நோனிஸ், இராணுவ இணைப்பு அதிகாரி மேஜர் ஜெனரல் தினேஷ் நாணயக்கார, மற்றும் சிரேஷ்ட உதவிச் செயலாளர் ஹர்ஷ விதானராச்சி ஆகியோர் கலந்து கொண்டனர்.
