இலங்கை, அவுஸ்திரேலியா அணிகளுக்கிடையிலான மூன்றாவது 20-20 போட்டியில் நாணய சுழற்சியில் வெற்றி பெற்று முதலில் துடுப்பாடிய அவுஸ்திரேலியா வெற்றி பெறக்கூடிய ஓட்ட எணிக்கையினை பெற்றுள்ளது.
20 ஓவர்களில் 05 விக்கெட்களை இழந்து 176 ஓட்டங்களை பெற்றுள்ளது அவுஸ்திரேலியா அணி. இலங்கை அணியின் சுழற் பந்துவீச்சாளர்கள் சிறப்பாக பந்துவீசி விக்கெட்களை கைப்பற்றியுள்ளார்கள். அவுஸ்திரேலியா அணியின் துடுப்பாட்ட வீரர்களின் சராசரியான துடுப்பாட்டம் இந்த ஓட்ட எண்ணிக்கையினை பெற்றுக் கொடுத்துள்ளது.
டேவிட் வோர்னர் 39 ஓட்டங்களையும், மார்கஸ் ஸ்டோனிஸ் 38 ஓட்டங்களையும், அரோன் பிஞ்ச் 29 ஓட்டங்களையும், ஸ்டீப் ஸ்மித் 27 ஓட்டங்களையும் பெற்றனர். இலங்கை அணியின் பந்துவீச்சில் மகேஷ் தீக்ஷன 25 ஓட்டங்களுக்கு 3 விக்கெட்களையும், வனிது ஹசரங்க 33 ஓட்டங்களுக்கு ஒரு விக்கெட்டினையும், பிரவீன் ஜெயவிக்ரம 43 ஓட்டங்களுக்கு ஒரு விக்கெட்டினையும் கைப்பற்றினார்கள்.
