ஐ . பி . எல் போட்டி தொடரில் டெல்லி கப்பிட்டல்ஸ் மற்றும் சன்ரைய்ஸர்ஸ் ஹைட்ரபாத் அணிகளுக்கிடையிலான போட்டியில் டெல்லி அணி 8 விக்கெட்களினால் வெற்றி பெற்றது.
போட்டியின் நாணய சுழற்சியில் சன்ரைய்ஸர்ஸ் ஹைட்ரபாத் அணி வெற்றி பெற்று முதலில் துடிப்படியாது. 20 ஓவர்களில் 9 விக்கெட்களை இழந்து 134 ஓட்டங்களை பெற்றது. இதில் அப்துல் சமட் 28(21), ரஷீட் கான் 22(19) ஓட்டங்களையும் பெற்றனர். பந்துவீச்சில் ககிஸோ ரபாடா 3 (4 – 37), அன்றிச் நோக்யா 2 (4 – 12), அக்ஷர் பட்டேல் 2(4- 21 ) விக்கெட்களையும் கைப்பற்றினார்கள்.
பதிலுக்கு துடுப்பாடிய டெல்லி கப்பிடல்ஸ் அணி 17.5 ஓவர்களில் 2 விக்கெட்களை இழந்து 139 ஓட்டங்களை பெற்று இலகுவாக வெற்றி பெற்றது . துடுப்பாட்டத்தில் ஷ்ரேயாஸ் ஐயர் ஆட்டமிழக்காமல் 47(41), சிஹார் தவான் 42(37), ரிஷாப் பான்ட் ஆட்டமிழக்காமல் 35(21) ஓட்டங்களை பெற்றனர்.
இந்த வெற்றியின் மூலம் டெல்லி கப்பிடல்ஸ் 9 போட்டிகளில் 14 புள்ளிகளை பெற்று முதலிடத்தை பெற்றுள்ளது. 8 போட்டிகளில் 1 வெற்றியினை மாத்திரம் பெற்றுள்ள சன்ரைய்ஸர்ஸ் ஹைட்ரபாத் அணி அடுத்த சுற்று வாய்ப்பை இழந்துள்ளது.
நாளைய தினம்(23.09.2021) மும்பை இந்தியன்ஸ் மற்றும் கொல்கொத்தா நைட் ரைடேர்ஸ் அணிகளுக்கிடையிலான போட்டி நடைபெறவுள்ளது. அடுத்து சுற்றுக்கு தகுதி பெற இந்த போட்டியில் வெற்றி பெறவேண்டிய நிலை இரு அணிகளுக்கும் காணப்படுவதனால் இந்தப் போட்டி மிக முக்கியமானதாக அமையவுள்ளது.
