ஆப்கானிஸ்தான், பங்களாதேஷ் போட்டியில் வெற்றியை நோக்கி ஆப்கான்

-ஷார்ஜாவிலிருந்து விமல்-

ஆசிய கிண்ண கிரிக்கெட் தொடரின் மூன்றாவது போட்டி தற்சமயம் ஐக்கிய அரபு இராட்ச்சியம் ஷார்ஜாவில் நடைபெற்று வருகிறது.

பங்களாதேஷ், ஆப்கானிஸ்தான் அணிகளுக்கிடையிலான போட்டியில் நாணய சுழற்சியில் வெற்றி பெற்ற பங்காளதேஷ் அணி துடுப்பாட்டத்தை தெரிவு செய்தது.

கடந்த போட்டி போன்று அபாரமாக பந்துவீசிய ஆப்கானிஸ்தான் அணி பங்களாதேஷ் அணியை தடுமாற வைத்தது. சுழற்பந்துவீச்சாளர்களின் சிறப்பான பந்துவீச்சு ஆப்கானிஸ்தான் அணிக்கு வெற்றி வாய்ப்பை ஏற்படுத்தி கொடுத்துள்ளது.

128 ஓட்டங்கள் என்ற இந்த இலக்கினை துரத்தியடிப்பது இலகுவானது என கூற முடியாது. கடந்த போட்டி போன்று அதிரடியான ஆரம்பம் ஒன்றினை ஆப்கானிஸ்தான் அணி பெற்றுக் கொண்டால் வெற்றி பெற்று அடுத்து சுற்றுக்கு தெரிவாகிவிடும்.

பங்களாதேஷ் அணியின் ஆரம்ப விக்கெட்களை சுழற்பந்து வீச்சாளர் முஜீப் உர் ரஹ்மான் தளர்த்துக் கொடுக்க பின்னர் ரஷீட் கான் தன கைவரிசையினை காட்டினார்.

மொசதீக் ஹொசைன் சிறப்பான அதிரடியான துடுப்பாட்டத்தை வெளிப்படுத்தியன் மூலம் பங்களாதேஷ் அணி ஓரளவான சிறந்த எண்ணிக்கையினை பெற்றுக் கொண்டது. தனது நூறாவது போட்டியில் விளையாடும் ஷகிப் அல் ஹசன் துடுப்பாட்டத்தில் பிரகாசிக்க தவறினர்.