நியூசிலாந்து அதிரடி வெற்றி

உலக கிண்ண தொடரின் இரண்டாம் சுற்றின் முதற் போட்டியில் நியூசிலாந்து அணி அவுஸ்திரேலியா அனியினை வெற்றி பெற்றது.

ICC T 20 உலக கிண்ண தொடரின் இரண்டாம் சுற்றின் முதற் போட்டியில் நியூசிலாந்து அணி அவுஸ்திரேலியா அனியினை வெற்றி பெற்றது. போட்டிகளை நடாத்தும் அவுஸ்திரேலியா அணி எதிர்பாராதா மோசமான தோல்வியினை சந்தித்துள்ளது.

நாணய சுழற்சியில் வெற்றி பெற்ற அவுஸ்திரேலியா அணி களத்தடுப்பை தெரிவு செய்தது. முதலில் துடுப்பாடிய நியூசிலாந்து அணி டெவோன் கொன்வே மற்றும் பின் அலன் ஆகியோரின் அபாரமான துடுப்பாட்டத்தின் மூலம் 20 ஓவர்களில் 3 விக்கெட்களை இழந்து 200 ஓட்டங்களை பெற்றது. இதில் டெவோன் கொன்வே 91 ஓட்டங்களை பெற்றுக் கொண்டார். அவுஸ்திரேலியா அணியின் பந்துவீச்சில் எவரும் குறிப்பிட்டு கூறுமளவுக்கு பிரகாசிக்கவில்லை.

பதிலுக்கு துடுப்பாடிய அவுஸ்திரேலியா அணி ஆரம்பம் முதலே தொடர்ச்சியான விக்கெட்களை இழந்தமையினால் 17.1 ஓவர்களில் சகல விக்கெட்களையும் இழந்து 111 ஓட்டங்களை மட்டுமே பெற்றுக்கொண்டது. நியூசிலாந்து அணி சார்பாக ரிம் சௌதீ மிகவும் சிறப்பாக பந்துவீசினார். ஆரம்ப விக்கெட்களை தகர்த்து கொடுத்தார்.

இந்த வெற்றி நியூசிலாந்து அணி அடுத்த சுற்றுக்கு தெரிவாதற்கு கைகொடுக்கும் நிலை உருவாகியுள்ளது. ஓட்ட நிகர சராசரி வேகம் மிகவும் அதிகரித்துள்ளது.

முழுமையான ஸ்கோர் விபரம்.