பரபரப்பான போட்டியில் தென்னாபிரிக்கா வெற்றி

ICC T 20 உலக கிண்ண கிரிக்கெட் தொடரின் இந்தியா, தென்னாபிரிக்கா அணிகளுக்கிடையிலானா போட்டியில் வெற்றி பெற்ற தென்னாபிரிக்கா அணி குழு 02 இல் 05 புள்ளிகளுடன் முதலிடத்தை பெற்றுக்கொண்டது. இந்த வெற்றியின் மூலம் தென்னாபிரிக்கா அணி அரை இறுதிப் போட்டிக்கு தெரிவாகும் வாய்ப்பை அதிகரித்துள்ளது. தென்னாபிரிக்கா அணியின் வெற்றி பாகிஸ்தான் அணியின் வாய்ப்பை குறைவடைய செய்துள்ளது. 04 புள்ளிகளுடன் காணப்படும் இந்தியா அணிக்கான வாய்ப்புகள் இன்னமும் காணப்படுகின்றன.

அவுஸ்திரேலியா பேர்த் மைதானத்தில் நடைபெற்ற இந்தப் போட்டியில் தென்னாபிரிக்கா 05 விக்கெட்களினால் வெற்றி பெற்றது.

134 ஓட்டங்கள் என்ற வெற்றியிலக்குடன் துடுப்பாடிய தென்னாபிரிக்கா அணி ஆரம்ப விக்கெட்களை வேகமாக இழந்து தடுமாறியது. கடந்த பங்காளதேஷ் அணியுடன் சிறப்பாக துடுப்பாடி சதமடித்த ரிலி ரொசவ் ஓட்டமின்றி ஆட்டமிழந்தார். குயின்டன் டி கொக் 01 ஓட்டத்துடன் ஆட்டமிழந்தார். அர்ஷ்தீப் சிங் இருவரையும் ஆட்டமிழக்க செய்தார்.

மூன்றாவது விக்கெட்டும் வீழ்த்தப்பட்ட தென்னாபிரிக்கா தடுமாறிக்கொண்டிருந்த நிலையில் டேவிட் மில்லர், எய்டன் மார்க்ராம் ஆகியோர் இணைப்பாட்டம் ஒன்றை ஏற்படுத்தி தென்னாபிரிக்கா அணியினை மீட்டெடுத்தனர். அதிரடியாக இருவரும் துடுப்பாட ஆரம்பித்த வேளையில் மார்க்ராமின் இலகுவான பிடியினை விராத் கோலி தவறவிட்டது இந்தியா அணிக்கு பின்னடைவு வழங்கியது.
நிதானம் காத்து நுட்பமாக விளையாடிய இருவரும் பின்னர் அதிரடியாக அடித்தாடி இந்தியாவின் பந்துவீச்சாளர்கள் மீது அழுத்தம் வழங்கினார்கள். இருவரும் 76 ஓட்டங்களை இணைப்பாட்டமாக பெற்ற வேளையில் மார்க்ராம் ஆட்டமிழந்தார்.

ரன் அவுட் வாய்ப்புகளும் இந்தியா அணியினால் தவறவிடப்பட்டன.

இறுதி வரை விறுவிறுப்பாக சென்ற போட்டியினை தென்னாபிரிக்க அணி பக்கமாக டேவிட் மில்லர் இறுதி வரை போராடி மாற்றிக் கொடுத்தார்.

முன்னதாக நாணய சுழற்சியில் வெற்றி பெற்று முதலில் துடுப்பாடிய இந்தியா அணி தடுமாறி சவால் வழங்க கூடிய எண்ணிக்கை பெற்றள்ளது. இந்தப் போட்டிக்காக தென்னாபிரிக்கா அணிக்கு அழைக்கப்பட்ட லுங்கி ங்டி இந்தியா அணியின் ஆரம்ப விக்கெட்களை பதம் பார்த்தார். அபாரமான பந்துவீச்சின் மூலம் நான்கு விக்கெட்களை கைப்பற்றி இந்தியா அணியினை தடுமாற வைத்தார். நிதானமாக துடுப்பாடிய சூர்யகுமார் யாதவ் இந்தியா அணியினை மீட்டெடுத்தார். யாதவ், கார்த்திக் இணைப்பாட்டம் இந்தியா அணியினை மீட்டெடுத்தது.

கார்த்திக், யாதவ் ஜோடி ஆறாவது விக்கெட் இணைப்பாட்டமாக 52 ஓட்டங்களை பகிர்ந்துகொண்டனர். இதில் கார்த்திக் 6 ஓட்டங்களை மாத்திரமே பெற்றுக் கொண்டார். சூரியகுமார் யாதவ் பெற்றுக்கொண்ட 68 ஓட்டங்கள் மூலம் இந்தியா அணி 133 ஓட்டங்களை பெற்றுக் கொண்டது.

சூர்யா தனித்து நின்று ஒரு பக்கமாக ஓட்டங்களை பெற மறுபக்கமாக விக்கெட்கள் வீழந்தமை இந்தியா அணிக்கு பெரும் பின்னடைவை தந்தது.

தென்னாபிரிக்கா

ரெம்பா பவுமா, குயின்டன் டி கொக், ரிலி ரொஸவ், ரிஸ்டன் ஸ்டப்ஸ், எய்டன் மார்க்ராம், டேவிட் மில்லர், ககிஷோ ரபாடா, வெய்ன் பார்னல் , அன்றிச் நோக்யா, கேஷவ் மஹாராஜ், லுங்கி ங்டி

இந்தியா

ரோஹித் ஷர்மா, லோகேஷ் ராஹுல், விராட் கோலி, சூரியகுமார் யாதவ், ஹார்டிக் பாண்ட்யா, தினேஷ் கார்த்திக், தீபக் ஹூடா , ரவிச்சந்திரன் அஷ்வின், மொஹமட் ஷமி, புவனேஷ்வர் குமார், அர்ஷ்தீப் சிங்

போட்டிக்கு முன்னதாக செய்யப்பட்ட வீடியோ தொகுப்பு

ஆரம்பம் முதல் மிகவும் இறுக்கமாக பந்துவீசிய வெய்ன் பார்னல் இறுதி நேரத்தில் சிறப்பாக பந்துவீசி 3 விக்கெட்களை கைப்பற்றி இந்தியா அணிக்கு தலையிடி வழங்கினார்.