IPL கிரிக்கெட் போட்டி தொடரில் நேற்று நடைபெற்ற போட்டியில் சென்னை சுப்பர் கிங்ஸ் அணி வெற்றி பெற்றதன் மூலம் இந்த தொடரின் குழு நிலையில் முதலிடத்தை கைப்பற்றுவதற்கான வாய்ப்பு கிடைத்துள்ளது.
நேற்று நடைபெற்ற சன்ரைஸ் ஹைட்ராபாட் அணியுடனான போட்டியில் 6 விக்கெட்களினால் வெற்றி பெற்று 18 புள்ளிகளுடன் முதலிடத்தில் தொடர்கிறது சென்னை சுப்பர் கிங்ஸ் அணி.
நாணய சுழற்சியில் வெற்றி பெற்று களத்தடுப்பை சென்னை அணி தெரிவு செய்தது. முதலில் துடுப்பாடிய சன்ரைஸ் ஹைட்ராபாட் அணி 20 ஓவர்களில் 7 விக்கெட்களை இழந்து 134 ஓட்டங்களை பெற்றது. இதில் ரிதிமன் சஹா 44(46) ஓட்டங்களை பெற்றார். பந்துவீச்சில் ஜோஷ் ஹெசல்வூட் 3 (4 – 24)விக்கெட்களையும், டுவைன் பிராவோ 2 (4-17) விக்கெட்களையும் கைப்பற்றினார்கள்.
பதிலுக்கு துடுப்பாடிய சென்னை சுப்பர் கிங்ஸ் அணி 19.2 ஓவர்களில் 4 விக்கெட்களை இழந்து 139 ஓட்டங்களை பெற்று 7 விக்கெட்களினால் வெற்றி பெற்றது. இதில் ருத்துராஜ் கெய்க்வூட் 45(38) ஓட்டங்களையும், பாப் டு பிளேஸிஸ் 41(36)ஓட்டங்களையும் பெற்றனர். ஜேசன் ஹோல்டர் 3 விக்கெட்களை கைப்பற்றினார்.
இன்று (01.10) பஞ்சாப் கிங்ஸ் மற்றும் ராஜஸ்தான் ரோயல்ஸ் அணிகளுக்கிடையிலான போட்டி நடைபெறவுள்ளது. இந்தப் போட்டியில் தோல்வியடையும் அணி அடுத்த சுற்று தெரிவாகும் வாய்ப்பை முழுமையாக இழக்கும்.
