கட்டாரில் நடைபெற்று வரும் உலக கிண்ண காற்பந்தாட்ட தொடரில் ஆராஜன்டீனா அணி மெக்சிகோ அணியினை வெற்றி பெற்று தமக்கான அடுத்த சுற்று வாய்ப்பினை தக்க வைத்துள்ளது. அடுத்த போட்டியில் போலந்து அணியினை வெற்றி பெற்றாலே ஆர்ஜன்டீனா அணி அடுத்த சுற்று வாய்ப்பை பெற முடியும், சமநிலை முடிவு கிடைத்தாலும் ஆராஜன்டீனா அணி வெளியேறும் அபாய நிலையினை கொன்டுள்ளது.
சவுதி அரேபியா மெக்சிகோ அணியுடன் தோல்வியடைந்தால் மட்டுமே ஆர்ஜன்டீனா அணி சமநிலை முடிவோடு அடுத்த சுற்றுக்கு செல்ல முடியும்.
தோல்வியடைந்தால் உலக கிண்ணத்தை விட்டு வெளியேறும் அபயா நிலையில் மெக்சிகோ, ஆர்ஜன்டீனா அணிகளுக்கிடையிலான போட்டியில் ஆராஜன்டீனா அணி சிறப்பாக விளையாடியது. அவர்களிடமே அதிகமாக பந்து கட்டுப்பாடு காணப்பட்டது. ஆனால் ஆரம்பத்தில் கோல்களை அடிக்க தடுமாறியது.
64 ஆவது நிமிடத்தில் மெஸ்ஸி அடித்த நீண்ட தூர கோல் ஆராஜன்டீனா அணிக்கு முன்னிலையினை வழங்கியது. கோலடித்த மெஸ்ஸி ரசிகர்களை பார்த்து கண் கலங்கி நின்றார். முன்னிலை பெற்ற ஆர்ஜன்டீனா அணிக்கு மேலதிக வீரராக களமிறங்கிய இன்ஷோ பெர்னாண்டஸ் 87 ஆவது நிமிடத்தில் கோலடித்து மேலும் பலத்தை வழங்கினார்.
இந்த குழு C இல் இன்னமும் எந்த அணியும் அடுத்த சுற்று வாய்ப்பை பெறவில்லை. நான்கு அணிகளுக்கும் வாய்ப்புகள் காணப்படுகின்றன.
உலக கிண்ணத்தை வெற்றி பெறும் அதிக வாய்ப்புள்ள அணியாக கணிப்பிடப்பட்ட ஆர்ஜன்டீனா அணிக்கு இந்த வெற்றி மேலதிக பலத்தை வழங்கியுள்ளது என நம்பலாம்.