தடுமாறிய கொழும்பு ஸ்டார்ஸ் மீண்டது.

தம்புள்ள ஓரா, கொழும்பு ஸ்டார்ஸ் அணிகளுக்கிடையிலான லங்கா பிரீமியர் லீக் கிரிக்கெட் தொடரின் மூன்றாம் நாளுக்கான போட்டியில் முதலில் துடுப்பாடிய கொழும்பு அணி வெற்றி பெறக்கூடிய ஓட்ட எண்ணிக்கையினை பெற்றுக் கொண்டது.

ஹம்பாந்தோட்டை, மஹிந்த ராஜபக்ஷ சர்வதேச கிரிக்கெட் மைதானத்தில் ஆரம்பித்துள்ள இந்தப் போட்டியில் நாணய சுழற்சியில் வெற்றி பெற்று துடுப்பாடிய கொழும்பு ஸ்டார்ஸ் அணி 20 ஓவர்களில் 09 விக்கெட்களை இழந்து 165 ஓட்டங்களை பெற்றது.

கொழும்பு அணி ஆரம்பத்தில் விக்கெட்களை இழந்து தடுமாறிய வேளையில் ஆரம்ப துடுப்பாட்ட வீரராக களமிறங்கிய நிரோஷன் டிக்வெல்ல நல்ல ஆரம்பத்தை வழங்க கொழும்பு அணி மீண்டது. மத்திய வரிசையில் ரவி போபரா, டினேஷ் சந்திமாலும் நிதானம் கலந்த அதிரடி துடுப்பாட்டத்தின் மூலம் வலுவான ஓட்ட எண்ணிக்கைக்கு அணியினை நகர்த்தி சென்றனர்.

லஹிரு குமார ஆரம்ப விக்கெட்களை தகர்த்து கொழும்பு அணியினை தடுமாற வைத்தார்.

இரு அணிகளும் தாம் விளையாடிய முதற் போட்டிகளில் தோல்விகளை சந்தித்துள்ளன.

இரு அணிகளும் சில வீரர்களை மாற்றி இன்றைய தினம் விளையாடுகின்றன.

தஸூன் சாணக்க, ஷெவான் டானியல், ஜோர்டான் கொக்ஸ், பானுக்கா ராஜபக்ஷ, ரொம் அப்பெல், லஹிரு மதுஷங்க, சிகான்டர் ரஷா, லஹிரு குமாரா, சதுரங்க டி சில்வா, நூர் அஹமட், தரிந்து ரட்நாயக்க

அஞ்சலோ மத்தியூஸ், நிரோஷன் டிக்வெல்ல, சரித் அசலங்க, ரவி போபரா, டினேஷ் சந்திமால், கரீம் ஜனட், நவோட் பரணவித்தாரன, டொமினிக் ட்ரேக்ஸ், ஜெப்ரி வன்டர்சாய், முதித்த லக்ஷான், சுரங்க லக்மால், நவீன் உல் ஹக்