கண்டிக்கு எதிராக தடுமாறிய கொழும்பு

கண்டி பல்கொன்ஸ் மற்றும் கொழும்பு ஸ்டார்ஸ் அணிகளுக்கிடையிலான போட்டி கொழும்பு, R.பிரேமதாசா மைதானத்தில் நடைபெற்று வருகிறது. நாணய சுழற்சியில் வெற்றி பெற்று துடுப்பாடிய கொழும்பு ஸ்டார்ஸ் அணி மிக மோசமாக தடுமாறி 106 ஓட்டங்களைப் பெற்றுக் கொண்டது.

ஆரம்பம் முதலே தொடர்ந்து விக்கெட்களை இழந்த கொழும்பு அணி, ஒஷேன் தோமஸின் ஒரே ஓவரில் மூன்று விக்கெட்களை இழந்தது. ஆரம்ப விக்கெட்களை இசுரு உதான, சாமிக்க கருணாரட்ன ஆகியர் கைப்பற்றினார்கள்.

தடுமாறிய கொழும்பு அணிக்கு எட்டாவது விக்கெட் இணைப்பாட்டம் ஓரளவு கைகொடுத்தது. சுரங்க லக்மால், அஞ்சலோ மத்தியூஸ் ஆகியோர் ஓட்ட எண்ணிக்கையினை சிறிதளவு உயர்த்தினார்கள். நிதானமாக துடுப்பாடி வேகத்தை அதிகரிக்க முனைய சுரங்க லக்மாலின் விக்கெட்டினை மீண்டும் பந்துவீச அழைக்கப்பட்ட இசுரு உதான கைப்பற்றினார்.

அஞ்சலோ மத்தியூஸ் இறுதி நேரத்தில் தனித்து நின்று அதிரடி நிகழ்த்தினார். மத்தியூஸின் துடுப்பாட்டம் மூலம் கொழும்பு அணி ஓரளவு மீண்டது.

இந்தப் போட்டியில் கொழும்பு ஸ்டார்ஸ் அணி வெற்றி பெற்றால் அடுத்த சுற்று வாய்ப்பை உறுதி செய்து கொள்ளும் என்ற நிலையில் இந்த மோசமான துடுப்பாட்டம் அவர்களுக்கு பின்னடைவை ஏற்படுத்தவுள்ளது.

கண்டி அணி ஏற்கனவே அடுத்த சுற்றுக்கு தெரிவாகியுள்ள நிலையில் முதலிடத்தை தொடர இன்றைய போட்டியில் வெற்றி பெற வேண்டும். கொழும்பு அணி வெற்றி பெற்றால் அடுத்த சுற்று உறுதியாகும். தோல்வியடைந்தால் அடுத்த சுற்று வாய்ப்பு சிக்கலாகும். இருப்பினும் வாய்ப்பை இழக்காது.