முகத்துவாரம் பிரதேசத்தில் லெல்லம கடற்கரை பகுதியில் 07 மீன்பிடி படகுகள் தீக்கிரையாகியுள்ளன.
இன்று (11.01) அதிகாலை 01.30 மணியளவில் இந்த சம்பவம் இடம்பெற்றுள்ளதாக பொலிஸ் ஊடகப் பிரிவு தெரிவித்துள்ளது.
07 மீன்பிடி படகுகள், 02 படகு இயந்திரங்களும் சில மீன்பிடி சாதனங்களும் இவ்வாறு தீக்கிரையாகியுள்ளது.
ஹெட்டியாவத்த பகுதியிலுள்ள தீயணைப்பு திணைக்கள அதிகாரிகள் மற்றும் பொலிஸார் இணைந்து தீயை கட்டுப்பாட்டுக்குள் கொண்டுவந்துள்ளனர்.
தீ விபத்துக்கான காரணம் இதுவரையில் வெளியாகவில்லை என்பதுடன், சம்பவம் தொடர்பான மேலதிக விசாரணைகளை மோதர பிரதேச பொலிஸார் மேற்கொண்டு வருகின்றனர்.
