தேர்தல்கள் ஆணைக்குழுவின் உறுப்பினராக கடமையாற்றுவதற்கான விண்ணப்பத்தை சமர்ப்பித்துள்ளதாக தேர்தல்கள் ஆணைக்குழுவின் முன்னாள் தலைவர் மஹிந்த தேசப்பிரிய இன்று (02.03) தெரிவித்துள்ளார்.
உள்ளுராட்சி மன்றங்களுக்கான தேசிய எல்லை நிர்ணயக் குழுவின் தற்போதைய தலைவரான தேசப்பிரியவும் எல்லை நிர்ணய ஆணைக்குழுவில் பணியாற்றுவதற்கான விண்ணப்பத்தை சமர்ப்பித்துள்ளார்.
அரசியலமைப்புச் சபையின் உறுப்பினர்களாக நியமனம் செய்வதற்குப் பரிசீலிக்கப்படுவதற்கு, “பொது அல்லது தொழில் வாழ்க்கையில் தங்களை வேறுபடுத்திக் கொண்ட, எந்த அரசியல் கட்சியிலும் அங்கம் வகிக்காத, நேர்மையான நபர்களிடமிருந்து விண்ணப்பங்கள் கோரப்பட்டுள்ளன.
இதனடிப்படையில், இதுவரையில் சுமார் 8000 பேர் விண்ணப்பித்துள்ளனர்.
