இலங்கை, அயர்லாந்து அணிகளுக்கிடையில் நடைபெற்று வரும் இரண்டாவது டெஸ்ட் போட்டியில் முதல் இன்னிங்சில் அயர்லாந்து அணி சிறந்த துடுப்பாட்டத்தை வெளிப்படுத்தியுள்ளது. தமது முதல் இன்னிங்சில் சகல விக்கெட்களையும் இழந்து 492 ஓட்டங்களைப் பெற்றுக் கொண்டது. இதில் கேர்ட்டிஸ் கம்பர் தனி கன்னிச்சதத்தை பெற்றுக் கொண்டார். அவர் 111 ஓட்டங்களை பெற்றார். போல் ஸ்டெர்லிங் 103 ஓட்டங்களை பெற்றார். இது அவருக்கு முதல் சதமாகும். அன்டி பல்பேர்னி தனது முதல் சதத்தை பெறும் வாய்ப்பை இழந்து 95 ஓட்டங்களை பெற்றுக் கொடுத்தார். லோர்கான் ரக்ரர் 80 ஓட்டங்களை பெற்றார்.
பந்துவீச்சில் பிரபாத் ஜெயசூர்யா ஐந்து விக்கெட்களை கைப்பற்றினார், விஸ்வ பெர்னாண்டோ, அசித்த பெர்னாண்டோ ஆகியோர் தலா இரண்டு விக்கெட்களை கைப்பற்றினார்.
இரண்டாம் நாள் ஆட்ட நேர முடிவின் போது, தமது முதல் இன்னிங்சுக்காக துடுப்ப்பாடி வரும் இலங்கை அணி விக்கெட் இழப்புகளின்றி 81 ஓட்டங்களை பெற்றுள்ளது. இதில் திமுத் கருணாரட்ன 39 ஓட்டங்களையும், நிஷான் மதுஷ்க 41 ஓட்டங்களையும் பெற்றுள்ளனர்.