இலங்கை மற்றும் பங்களாதேஷ் அணிகளுக்கிடையிலான உலககிண்ண 20-20 தொடருக்கான முன்னோடி பயிற்சி போட்டி இன்று நடை பெற்றது. இந்தப் போட்டியில் இலங்கை அணி 4 விக்கெட்களினால் வெற்றி பெற்றுள்ளது.
இந்தப் போட்டியில் முதலில் துடுப்பெடுத்தாடிய பங்களாதேஷ் அணி 20 ஓவர்களில் 7 விக்கெட்களை இழந்து 147 ஓட்டங்களை பெற்றது. இதில் பங்களாதேஷ் அணியின் சௌமிய சர்கார் 34 ஓட்டங்களை பெற்றார்.
பந்துவீச்சில் துஷ்மந்து சமீர 3 விக்கெட்களை கைப்பற்றினார். தஸூன் சாணக்க, லஹிரு குமார, வனிது ஹசரங்க, மகேஷ் தீக்ஷன ஆகியோர் தலா ஒவ்வொரு விக்கெட்களை கைப்பற்றினார்கள்.
பதிலுக்கு துடுப்பெடுத்தாடிய இலங்கை அணி 19 ஓவர்களில் 6 விக்கெட்களை இழந்து 148 ஓட்டங்களை பெற்றது. இலங்கை அணியின் துடுப்பாட்டத்தில் அவிஷ்க பெர்னாண்டோ ஆட்டமிழக்காமல் 50 (32) ஓட்டங்களையும், சமிக்க கருணாரட்டன ஆட்டமிழக்காமல் 19 (7) ஓட்டங்களையும் பெற்றனர்.
பங்களாதேஷ் அணியின் பந்துவீச்சில் சௌமிய சர்க்கார் 2 விக்கெட்களை கைப்பற்றினார்.
