பங்களாதேஷ்,ஸ்கொட்லாந்து அணிகளுக்கிடையில் நடைபெற்ற இரண்டாவது உலக கிண்ண போட்டியில் பங்களாதேஷ் அணியினை ஸ்கொட்லாந்து அணி 6 ஓட்டங்களினால் வெற்றி பெற்றது.
இந்தப் போட்டியில் முதலில் துடுப்பாடிய ஸ்கொட்லாந்து அணி 20 ஓவர்களில் 9 விக்கெட்களை இழந்து 140 ஓட்டங்களை பெற்றது. இதில் கிறிஸ் க்ரேவ்ஸ் 45 ஓட்டங்களையும், ஜோர்ஜ் மனசி 29 ஓட்டங்களையும் பெற்றனர்.
பந்துவீச்சில் மெஹதி ஹசன் 3 விக்கெட்களையும், முஸ்டபிசூர் ரஹ்மான், ஷகிப் அல் ஹசன் ஆகியோர் தலா இரண்டு விக்கெட்களை கைப்பற்றினார்கள்.
பதிலுக்கு துடுப்பாடிய பங்களாதேஷ் அணி 20 ஓவர்களில் 7 விக்கெட்களை இழந்து 134 ஓட்டங்களை பெற்றது. முஸ்பிகியூர் ரஹீம் 38 ஓட்டங்களையும், மஹமதுல்லா 23 ஒட்டங்களையும் பெற்றனர்.
பந்துவீச்சில் பிரட் வீல்ஸ் 3 விக்கெட்களையும், க்றிஸ் க்ரேவ்ஸ் 2 விக்கெட்களையும் கைப்பற்றினார்கள்.
இந்த போட்டியின் தோல்வி பங்களாதேஷ் அணி அடுத்து சுற்றான இரண்டாம் சுற்றும் முக்கிய சுற்றுக்கும் பங்களாதேஷ் அணி தெரிவாவதை தடுக்கும் நிலை ஏற்பட்டுள்ளது.
