இலங்கை, பங்களாதேஷ் அணிகளுக்கிடையிலான ஆசிய கிண்ண கிரிக்கெட் தொடரின் இரண்டாவது போட்டி கண்டி பல்லேகல சர்வதேசக் கிரிக்கெட் மைதானத்தில் நடைபெற்றுவருகிறது .
நாணய சுழற்சியில் வெற்றி பெற்று முதலில் துடுப்பாடிய பங்காளதேஷ் அணி, இலங்கை அணியின் பந்துவீச்சில் சிரமப்பட்டு ஓட்டங்களை பெற தடுமாறியது. விக்கெட்கள் ஒரு பக்கமாக வீழ்த்தப்பட்ட போதும் நஜிமுல் ஹொசைன் ஷாண்டோ நிதானமாக துடுப்பாடி ஓட்டங்களை பெற்றுக் கொடுத்து அணியை ஓரளவு போராடக்கூடிய நிலைக்கு எடுத்துச் சென்றார். அவரது 89 ஓட்டங்கள் மூலமாகவே பங்களாதேஷ் அணி 42.4 ஓவர்களில் சகல விக்கெட்களையும் இழந்து 164 ஓட்டங்களை பெற்றுக் கொண்டது.
மஹீஸ் தீக்ஷண ஆரம்ப விக்கெட்டை கைப்பற்றிக் கொடுக்க இரண்டாவது விக்கெட்டினை தனஞ்சய டி சில்வா கைப்பற்றினார். மூன்றாவது விக்கெட்டினை மதீஷ பத்திரன கைப்பற்ற 36 ஓட்டங்களுக்கு 3 விக்கெட்கள் என்ற நிலை உருவானது. தௌஹித் ரிதோய், நஜிமுல் ஹொசைன் ஷாண்டோ இணைப்பாட்டம் ஒன்றை ஏற்படுத்தி அணியை வலுவான நிலைக்கு எடுத்து செல்லும் போது 55 ஓட்ட இணைப்பாட்டம் தஸூன் சாணக்கவினால் முறியடிக்கப்பட்து. அதன் பின்னர் சிறப்பான இணைப்பாட்டங்கள் அமையவில்லை.
இலங்கை அணியின் பந்துவீச்சு மற்றும் பந்துவீச்சு மாற்றங்கள் சரியான முறையில் அமைந்தது. அனைவருமே ஓட்டங்களை வழங்கமால் இறுக்கமாக பந்துவீசினார்கள். அதன் காரணமாக பங்களாதேஷ் அணியினை கட்டுப்படுத்த முடிந்தது.
மதீஷ பத்திரன இறுதி நேரத்தில் சிறப்பாக பந்துவீசி நான்கு விக்கெட்களை கைப்பற்றினார். இது அவரின் சிறந்த பந்துவீச்சு பெறுதியாகும். இறுதி இரண்டு விக்கெட்களையும் இரண்டு பந்துகளில் கைப்பற்றினார்.
இலங்கை அணிக்கு இந்தப் போட்டியில் வெற்றி பெறக்கூடிய நிலை ஏற்பட்டுள்ள நிலையில் வெற்றி பெற்றால் 11 தொடர்ச்சியான வெற்றிகளை பெற்றுக் கொள்ளும். இலங்கை அணி 10 தடவைகள் தொடர்ச்சியாக வெற்றி பெற்றமையே கூடுதலான தடவைகள் ஆகும்.
கண்டியிலும் மைதானத்தை அண்மித்த பகுதிகளிலும் மழை தூறல்கள் காலை முதல் காணப்பட்டது. இருப்பினும் மைதானத்தில் மழை பெய்யவில்லை. LPL காலத்தில் இருந்தது போன்றல்லாமல் வெப்பம் குறைவடைந்து குளிர் காலநிலை காணப்படுகிறது. போட்டி ஆரம்பிக்கும் வேளையிலும், நடைபெற்றுக் கொண்டிருந்த வேளையிலும் ஒருதடவை மழை வந்த போதும் போட்டி நிறுத்தப்படும் அளவுக்கு பாரியதாக அமையவில்லை.
| வீரர் | ஆட்டமிழப்பு | பந்துவீச்சாளர் | ஓ | ப | 4 | 6 |
| நைம் ஷேக் | பிடி- பத்தும் நிஸ்ஸங்க | தனஞ்சய டி சில்வா | 16 | 23 | 3 | 0 |
| ரன்ஷிட் ஹசன் ரமீம் | L.B.W | மஹீஸ் தீக்ஷண | 00 | 02 | 0 | 0 |
| நஸ்முல் ஹொசைன் சன்டோ | Bowled | மஹீஸ் தீக்ஷண | 89 | 122 | 7 | 0 |
| ஷகிப் அல் ஹசன் | பிடி- குஷல் மென்டிஸ் | மதீஷ பத்திரன | 05 | 11 | 1 | 0 |
| தௌஹித் ரிதோய் | L.B.W | தஸூன் சாணக்க | 20 | 41 | 0 | 0 |
| முஷ்பிகுர் ரஹீம் | பிடி- டிமுத் கருணாரட்ன | மதீஷ பத்திரன | 13 | 22 | 0 | 0 |
| மெஹதி ஹசன் மிராஸ் | Run Out | 05 | 11 | 0 | 0 | |
| மெஹதி ஹசன் | L.B.W | டுனித் வெல்லாளகே | 06 | 16 | 0 | 0 |
| ரஸ்கின் அஹமட் | பிடி- மஹீஸ் தீக்ஷண | மதீஷ பத்திரன | 00 | 02 | 0 | 0 |
| ஷொரிபுல் இஸ்லாம் | 02 | 05 | 0 | 0 | ||
| முஸ்டபைசூர் ரஹ்மான் | L.B.W | மதீஷ பத்திரன | 00 | 02 | 0 | 0 |
| உதிரிகள் | 08 | |||||
| ஓவர் 42.4 | விக்கெட் 10 | மொத்தம் | 164 |
| பந்துவீச்சாளர் | ஓ | ஓ.ஓ | ஓட்ட | விக் |
| கஸூன் ரஜித | 07 | 00 | 29 | 00 |
| மஹீஸ் தீக்ஷண | 08 | 01 | 19 | 02 |
| தனஞ்சய டி சில்வா | 10 | 00 | 35 | 01 |
| மதீஷ பத்திரன | 7.4 | 00 | 32 | 04 |
| டுனித் வெல்லாளகே | 07 | 00 | 30 | 01 |
| தஸூன் சாணக்க | 03 | 00 | 16 | 01 |
அணி விபரம்
1 டிமுத் கருணாரட்ன, 2 பத்தும் நிஸ்ஸங்க, 3 குஷல் மென்டிஸ், 4 தனஞ்சய டி சில்வா, 5 சதீர சமரவிக்ரம, 6 தஸூன் சாணக்க, 7 டுனித் வெல்லாளகே, 8 மஹீஸ் தீக்ஷண, 9 மதீஷ பத்திரனே, 10 கஸூன் ரஜித, 11 சரித் அசலங்க
பங்களாதேஷ்
1 நைம் ஷேக், 2 ரன்ஷிட் ஹசன் ரமீம் , 3 ஷகிப் அல் ஹசன் (தலைவர்), 4 நஸ்முல் ஹொசைன் சன்டோ , 5 முஷ்பிகுர் ரஹீம், 6 தௌஹித் ரிதோய், 7 மெஹதி ஹசன் , 8 மெஹேதி ஹசன் மிர்ஸா, 9 ஷொரிபுல் இஸ்லாம் 10 ரஸ்கின் அஹமட், 11 முஸ்டபைசூர் ரஹ்மான்
இலங்கை அணியின் ஆசிய கிண்ண வாய்ப்புகள் மற்றும் இன்றைய போட்டி முன்னோட்ட வீடியோ