இந்தியா மற்றும் நேபாளம் அணிகளுக்கிடையிலான ஆசிய கிண்ண கிரிக்கெட் தொடரின் ஐந்தாவது போட்டி கண்டி பல்லேகல சர்வதேசக் கிரிக்கெட் மைதானத்தில் நடைபெற்று வருகிறது.
நாணய சுழற்சியில் வெற்றி பெற்ற இந்தியா அணி களத்தடுப்பை தெரிவு செய்தது. துடுப்பாடிய நேபாளம் அணியின் ஆரம்பம் மிகவும் சிறப்பாக அதிரடியாக அமைந்தது. அதனுள் இந்தியா அணி தவறவிட்ட இலகுவான மூன்று பிடிகளும் உள்ளடக்கம். நேபாளம் அணியின் ஆரம்ப விக்கெட் இணைப்பாட்டம் 65 ஓட்டங்களை வழங்கியது. ஆரம்ப துடுப்பாட்ட வீரர்கள் இருவரும் ஆட்டமிழக்க நேபாளம் அணியின் தடுமாற்றம் ஆரம்பித்தது. இருப்பினும் இந்தியா அணியை எதிர்த்து துடுப்பாடி ஓவர்களில் சகல விக்கெட்களையும் இழந்தது அவர்கள் பெற்றுக் கொண்ட ஓட்ட எண்ணிக்கை சிறப்பானதே.
ஷர்டூல் தாகூர் முதல் விக்கெட்டினை கைப்பற்ற, அடுத்த மூன்று விக்கெட்களையும் ரவீந்தர் ஜடேஜா கைப்பற்றினார். ஆரம்ப துடுப்பாட்ட வீரர் ஆஷிப் ஷெய்க் ஆட்டமிழக்காமல் நின்று நிலைத்து துடுப்பாடிய போதும் மத்திய வரிசை வீரர்கள் அடுத்தடுத்து ஆட்டமிழக்க அவரால் ஓட்டங்களை அதிகரிக்க முடியவில்லை. அரைச்சதத்தை பூர்த்தி செய்து ஆட்டமிழந்தார்.
ஆறு விக்கெட்கள் வீழ்த்தப்பட்ட நிலையில் ஜோடி சேர்ந்த சோம்பல் கமி, டிபென்ற சிங் ஐரீ ஆகிய இருவம் சிறப்பாக துடுப்பாடி ஓட்ட எண்ணிக்கையினை உயர்த்தினர். அரைச்சத இணைப்பாட்டம் இந்தியா அணிக்கு தலையிடி கொடுத்தது. இருப்பினும் ஹார்டிக் பாண்ட்யா இணைப்பாட்டத்தை முறியடித்தார். தொடர்ந்தும் அதிரடியாக துடுப்பாடிய சோம்பல் கமி ஓட்ட எண்ணிக்கையினை அதிகரித்து கொடுத்தார்.
இந்த ஓட்ட எண்ணிக்கை இந்தியா அணி பெறக்கூடிய ஓட்ட எண்ணிக்கை என்ற போதும் இலகுவாக பெற்றுக் கொள்ள முடியாது.
நாணய சுழற்சி முதல் மழை வருவதும், விரிப்புகளை கொண்டு வர நிப்பதாகவும் விளையாட்டு காட்டியது. 6 மணிக்கு அண்மித்த நேரப்பகுதியில் மழை குறுக்கிட்டு போட்டியினை தாமதப்படுத்தியது. போட்டி மீண்டும் 6.45 இற்கு ஆரம்பிக்கப்பட்டது. இருப்பினும் ஓவர்கள் குறைக்கப்படவில்லை.
| வீரர் | ஆட்டமிழப்பு | பந்துவீச்சாளர் | ஓ | ப | 4 | 6 |
| குஷால் பூர்டெல் | பிடி – இஷன் கிஷன் | ஷர்ட்டூல் தாகூர் | 38 | 25 | 3 | 2 |
| ஆஷிப் ஷெய்க் | பிடி – விராத் கோலி | மொஹமட் ஷிராஜ் | 58 | 97 | 8 | 0 |
| பிம் ஷர்க்கி | Bowled | ரவீந்தர் ஜடேஜா | 07 | 17 | 0 | 0 |
| ரோஹித் பௌடல் | பிடி – ரோஹித் ஷர்மா | ரவீந்தர் ஜடேஜா | 05 | 08 | 0 | 0 |
| குஷால் மல்லா | பிடி – மொஹமட் ஷிராஜ் | ரவீந்தர் ஜடேஜா | 02 | 05 | 0 | 0 |
| குல்ஷன் ஜா | பிடி – இஷன் கிஷன் | மொஹமட் ஷிராஜ் | 23 | 35 | 3 | 0 |
| டிபென்ற சிங் ஐரீ | L.B.W | ஹார்டிக் பாண்ட்யா | 29 | 25 | 3 | 0 |
| சோம்பல் கமி | பிடி – இஷன் கிஷன் | மொஹமட் ஷமி | 48 | 56 | 1 | 2 |
| சந்தீப் லமிச்சானி | Run Out | 09 | 17 | 0 | 0 | |
| கரண் KC | 02 | 02 | 0 | 0 | ||
| லலித் ராஜ்பான்ஷ | Bowled | மொஹமட் ஷிராஜ் | 00 | 03 | 0 | 0 |
| உதிரிகள் | சந்தீப் லமிச்சானி | 09 | ||||
| ஓவர் 48.2 | விக்கெட் 10 | மொத்தம் | 230 |
| பந்துவீச்சாளர் | ஓ | ஓ.ஓ | ஓட்ட | விக் |
| மொஹமட் ஷமி | 06 | 00 | 27 | 00 |
| மொஹமட் ஷிராஜ் | 9.2 | 01 | 61 | 03 |
| ஹார்டிக் பாண்ட்யா | 08 | 03 | 34 | 01 |
| ஷர்ட்டூல் தாகூர் | 04 | 00 | 26 | 01 |
| ரவீந்தர் ஜடேஜா | 10 | 00 | 40 | 03 |
| ல்தீப் யாதவ் | 10 | 02 | 34 | 00 |
அணி விபரம்
இந்தியா அணி சார்பாக ஜஸ்பிரிட் பும்ரா விளையாடவில்லை. அவருக்கு பதிலாக மொஹமட் ஷமி இணைத்துக்கொள்ளப்பட்டுள்ளார்.
இந்தியா
ரோஹித் ஷர்மா, சுப்மன் கில், விராத் கோலி, ஷ்ரேயாஸ் ஐயர், இஷன் கிஷன், ஹார்டிக் பாண்ட்யா, ரவீந்தர் ஜடேஜா, மொஹமட் ஷமி, ஷர்ட்டூல் தாகூர், குல்தீப் யாதவ், மொஹமட் ஷிராஜ்
நேபாளம்
ரோஹித் போடல், ஆஷிப் ஷெய்க், டிபென்ற சிங் ஐரீ, குஷால் பூர்டெல், குல்ஷன் ஜா, கரண் KC, குஷால் மல்லா, சந்தீப் லமிச்சேன், லலித் ராஜ்பான்ஷி, பிம் ஷர்க்கி, சோம்பல் கமி