ரயில் இருந்து விழுந்து ஒருவர் பலி!

பம்பலப்பிட்டி மற்றும் வெள்ளவத்தை புகையிரத நிலையங்களுக்கு இடையில் ஓடும் ரயிலில் இருந்து விழுந்து நபர் ஒருவர் உயிரிழந்துள்ளார். 

உயிரிழந்த நபருக்கு சுமார் 45 வயது இருக்கும் என பொலிஸார் தெரிவித்துள்ளனர். இருப்பினும், உயிரிழந்தவரின் அடையாளம் இதுவரை உறுதிப்படுத்தப்படவில்லை. 

குறித்த சம்பவம் நேற்று (11.09) இரவு இடம்பெற்றுள்ளதாக பொலிஸார் கூறியுள்ளனர்.

படுகாயமடைந்த குறித்த நபர்  கொழும்பு தேசிய வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக தெரிவிக்கப்படுகிறது.  

இந்த நபர் ரயிலில் இருந்து குதித்தாரா அல்லது கீழே விழுந்தாரா என்பது குறித்து சந்தேகம் நிலவுகின்ற நிலையில், பொலிஸார் மேலதிக விசாரணைகளை முன்னெடுத்து வருகின்றனர்.