இந்தியாவை வீழ்த்திய பங்களாதேஷ்

இந்தியா மற்றும் பங்களாதேஷ் அணிகளுக்கிடையில் நேற்று (15.09) சுப்பர் 4 இன் இறுதிப்போட்டி கொழும்பு ஆர். பிரேமதாச மைதானத்தில் நடைபெற்றது. இந்தப் போட்டியில் பங்களாதேஷ் அணி 06 ஓட்டங்களினால் வெற்றி பெற்றது. இந்தியா அணி ஏற்கனவே இறுதிப் போட்டிக்கு தெரிவாகியதால் அவர்களுக்கு சிக்கல் இல்லை.

நாணய சுழற்சியில் வெற்றி பெற்ற பங்களாதேஷ் அணி களத்தடுப்பை தெரிவு செய்தது.

பங்களாதேஷ் அணிக்கு ஆரம்பம் முதலே விக்கெட்டுகளை இழந்து வந்தது. ஷகிப் அல் ஹசன், தௌஹித் ரிதோய் ஆகியோர் 101 ஓட்டங்களை இணைப்பாட்டமாக பெற்றுக்கொண்டனர். அதன் மூலம் பங்களாதேஷ் அணியின் ஓட்ட எண்ணிக்கை அதிகரித்தது. ஷகிப் அல் ஹசன் ஆட்டமிழந்த போது அடுத்த இரண்டு விக்கெட்களும் வேகமாக வீழ்த்தப்பட்டன. நசும் அஹமட், மெஹிதி ஹசன் ஆக்கியோர் நிதானமாகவும், அதிரடியாகவும் துடுப்பாடி ஓட்ட எண்ணிக்கையை உயர்த்திச்சென்றனர்.

பங்களாதேஷ் அணி 50 ஓவர்களில் 8 விக்கெட்களை இழந்து 265 ஓட்டங்களை பெற்றது.

பதிலுக்கு துடுப்பாடிய இந்தியா அணி ஆரம்பத்திலேயே விக்கெட்டுகளை இழந்து வந்தது. ஷுப்மன் கில் நிதானமாகவும் அதிரடியாகவும் துடுப்பாடி ஓட்டங்களை உயர்த்தி, அவரது ஐந்தாவது சதத்தையும் பூர்த்தி செய்துகொண்டார். அக்ஷர் பட்டேலும் அவருக்கு கைகொடுத்தார். இந்தியா அணி போராடிய போதும் வெற்றி பெற முடியவில்லை.

இந்தியா அணி 49.5 ஓவர்களில் சகல விக்கெட்களையும் இழந்து 259 ஓட்டங்களை பெற்றது.

இந்தியா மற்றும் இலங்கை அணிகளுக்கிடையில் ஆசிய கிண்ணத்தின் இறுதிப்போட்டி நாளை (17.09) கொழும்பு ஆர். பிரேமதாச மைதானத்தில் நடைபெறவுள்ளது.

முழு ஸ்கோர்