உக்ரைனுக்கு சா்ச்சைக்குரிய ‘யுரேனிய சக்கையைக் கொண்டு உருவாக்கப்பட்ட பீரங்கி குண்டுகளை வழங்க அமெரிக்கா தீர்மானித்துள்ளதாக சர்வதேச ஊடகங்கள் செய்தி வெளியிட்டுள்ளன.
இந்நிலையில் குறித்த ஆயுதங்களை வழங்க வேண்டாம் என அமெரிக்காவிடம் ஐ.நா. சிறப்பு அதிகாரி அலைஸ் ஜில் எட்வா்ட்ஸ் வலியுறுத்தியுள்ளாா்.
இது குறித்து அமெரிக்க அரசுக்கு அவா் எழுதியுள்ள கடிதத்தில், ரஷ்யாவுடனான போரில் பயன்படுத்துவதற்காக உக்ரைனுக்கு யுரேனிய சக்கையால் உருவாக்கப்பட்ட பீரங்கி குண்டுகளை அனுப்பும் முடிவை அமெரிக்க அரசு மறுபரிசீலனை செய்ய வேண்டும் என வலியுறுத்தியுள்ளார்.
அத்தகைய ஆயுதங்களைப் போரில் பயன்படுத்துவது இராணுவ வீரா்கள் மட்டுமின்றி அந்தப் பகுதியில் வசிக்கும் பொதுமக்களையும் மிகக் கடுமையாக பாதிக்கும் எனவும், போா் முடிந்த பிறகும் கூட அந்த ஆயுதங்களால் பொதுமக்களுக்கு ஆபத்து நீடிக்கும் என்றும் அவர் சுட்டிக்காட்டியுள்ளார்.
எனவே, யுரேனிய சக்கையால் உருவாக்கப்பட்ட ஆயுதங்களைப் பயன்படுத்தவே கூடாது என்று அவர் குறித்த கடித்தில் எச்சரித்துள்ளார்.