ஆசிய விளையாட்டுப் போட்டிகளில் பங்குபற்றவுள்ள இலங்கை கிரிக்கெட் அணி சீனாவுக்கு நேற்று(30.09) பயணமாகியுள்ளது. முதற் தடவையாக விஜயகாந்த் வியாஸ்காந்த் இலங்கை தேசிய அணியில் இடம்பிடித்துள்ளார். 20-20 சர்வதேசப் போட்டிகளாக இந்த தொடர் நடைபெறுவதனால் விளையாடும் பதினொருவரில் இடம்பிடித்தால் அவருக்கு சர்வதேச கிரிக்கெட் அறிமுகமாக இது அமையும்.
உலகக்கிண்ண தொடர் நடைபெறும் காலத்திலேயே இந்த தொடரும் நடைபெறுவதனால் இரண்டாம் தர அணியே இந்த தொடரில் களமிறங்குகிறது. தரப்படுத்தல்களின் அடிப்படையில் இலங்கை, இந்தியா, பங்காளதேஷ், பாகிஸ்தான் அணிகள் நேரடியாக காலிறுதிப் போட்டிகளுக்கு தெரிவாகியுள்ளன.
இலங்கை அணி 04 ஆம் திகதி தமது முதற் போட்டியில் விளையாடவுள்ளது. தற்போது நடைபெற்று வரும் முதல் சுற்றுப் போட்டிகளில் தெரிவாகும் அணி இலங்கை அணியுடன் விளையாடவுள்ளது.
அணி விபரம்
ஷகான் ஆராச்சிகே(தலைவர்), அஷேன் பண்டாரா, லசித் க்ரூஸ்புல்லே, ஷெவோன் டானியல், நுவனிது பெர்னாண்டோ, லஹிரு உதார, அஹான் விக்ரமசிங்கே, ரவிந்து பெர்னாண்டோ, சஜித்த ஜயதிலக, ரணித் லியனாராச்சி, லஹிரு சமரகோன், நிமேஷ் விமுக்தி, நுவான் துஷார, விஜயகாந்த் விஜாஸ்கந்த், இஷித விஜயசுந்தர
