இங்கிலாந்துக்கு நியூசிலாந்து அதிரடி

உலகக்கிண்ண தொடரின் முதற் போட்டியை நடப்பு உலக சம்பியன் இங்கிலாந்துக்கு அதிரடி வழங்கி நியூசிலாந்து அணி பிரமாண்டமாக ஆரம்பித்து வைத்துள்ளது. அஹமதாபாத் நரேந்திர மோடி மைதானத்தில் நடைபெற்ற இந்தப் போட்டியில் நியூசிலாந்து அணி 09 விக்கெட்களினால் வெற்றி பெற்றது.

283 ஓட்டங்கள் என்ற வெற்றியிலக்குடன் துடுப்பாட்டிய நியூசிலாந்து அணி 36.2 ஓவர்களிகள் 01 விக்கெட்டை இழந்து 283 ஓட்டங்களை பெற்றது.

நியூசிலாந்து அணி 10 ஓட்டங்களை பெற்ற நிலையில் ஓட்டங்களை பெறாது வில் ஜங் ஆட்டமிழந்தார். அதன் பின் ஜோடி சேர்ந்த டெவொன் கொன்வே, ரச்சின் ரவீந்திரா ஆகியோர் போட்டியை நிறைவு செய்து வைத்தனர். ரச்சின் ரவீந்திரா தனது முதற் சதத்தை பூர்த்தி செய்தார். இந்தியாவை பூர்வீகமாக கொண்டவர் இவர். என்ன ஒரு சகலதுறை கண்டுபிடிப்பு என மெச்சக்கூடியதாக உள்ளது. ஐந்தாவது சதத்தை பெற்றுக் கொண்ட டெவொன் கொன்வே முதற் தடவையாக 150 ஓட்டங்களை தாண்டினார்.

இங்கிலாந்து போன்ற அணியோடு நியூசிலாந்து பெற்றுக்கொண்ட இந்த ஓட்ட எண்ணிக்கை மூலம் கிடைத்த ஓட்ட நிகர சராசரி வேகம் அவர்களுக்கு கைகொடுக்கும்.

நாணய சுழற்சியில் வெற்றி பெற்ற நியூசிலாந்து அணி களத்தடுப்பை தெரிவு செய்தது.

பலமான அதிரடி துடுப்பாட்ட வீரர்களை கொண்ட இங்கிலாந்து அணிக்கெதிராக நியூசிலாந்து அணி சிறப்பாக பரந்துவீசி இங்கிலாந்து துடுப்பாட்ட வீரர்களை கட்டுப்படுத்தியது அவர்களுக்கு வெற்றி பெற இலகுவாக அமைந்தது.

ஆரம்பம் முதலே தொடர்ச்சியான இடைவேளைகளில் விக்கெட்களை இழந்த இங்கிலாந்து அணி ஜோஸ் பட்லர் மற்றும் ஜோ ரூட் ஆகியோரின் அரைச்சத இணைப்பாட்டம் மூலம் 250 ஓட்டங்களை தாண்டியது. ஏனையவர்கள் சராசரியாக துடுப்பாட ஓட்ட எண்ணிக்கை உயர்ந்தது. 50 ஓவர்களில் 9 விக்கெட்களை இழந்து 282 ஓட்டங்களை பெற்றது.

நியூசிலாந்து அணியின் பந்துவீச்சில் எல்லோருமே சிறப்பாக பந்துவீசினார்கள். ரச்சின் ரவீந்திர மட்டுமே ஓட்டங்களை அதிகமாக வழங்கியிருந்தார். மத் ஹென்றி கூடுதல் விக்கெட்களை கைப்பற்றியிருந்தார்.