பாகிஸ்தானுக்கு முதல் வெற்றி

உலகக்கிண்ண கிரிக்கெட் தொடரின் இரண்டாவது போட்டியில் பாகிஸ்தான் அணி நெதர்லாந்து அணியை 81 ஓட்டங்களினால் வெற்றி பெற்றுள்ளது. இந்தியா ஹைதராபாத் ராஜீவ் காந்தி சர்வதேசக் கிரிக்கெட் மைதானத்தில் இந்தப் போட்டி நடைபெற்றது. நாணய சுழற்சியில் வெற்றி பெற்ற நெதர்லாந்து அணி களத்தடுப்பை தெரிவு செய்தது.

287 ஓட்டங்கள் என்ற வெற்றியிலக்கோடு துடுப்பாடிய நெதர்லாந்து அணி 41 ஓவர்களில் சகல விக்கெட்களையும் இழந்து 205 ஓட்டங்களை பெற்றுக்கொண்டது.

இதில் பஸ் த லீடா சிறப்பாக துடுப்பாடி நெதர்லாந்து அணி இந்த ஓட்ட எண்ணிக்கையை பெற கைகொடுத்தார். விக்ரம்ஜித் சிங் நல்ல ஆரம்பத்தை வழங்கினார். அவரின் ஆரம்பம் நெதர்லாந்து அணி வெற்றி பெறும் என நம்பக்கூடிய வகையில் அமைந்தது. ஆனால் அடுத்தடுத்த விக்கெட்கள் வீழ்த்தப்பட்டமையினால் நெதர்லாந்து அணி போராட முடியாமல் போனது. அவரின் ஆரம்பத்தை பஸ் த லீடா ஒரு பக்கமாக கொண்டு சென்றார். மறு புற விக்கெட்கள் வீழ்த்தப்பட்டமை அவர்களது தோல்விக்கு காரணமாக அமைந்தது.

பாகிஸ்தான் அணி முதலில் துடுப்பாடிய போது 49 ஓவர்களில் சகல விக்கெட்களையும் இழந்து 286 ஓட்டங்களை பெற்றது. பாகிஸ்தான் அணி முதல் மூன்று விக்கெட்களையும் வேகமாக இழந்து தடுமாறியது. 38 ஓட்டங்களுக்கு 3 விக்கெட்கள் என்ற நிலைமை உருவானது. 120 ஓட்டங்களை மொஹம்மட் ரிஷ்வான், சோட் ஷகீல் ஆகியோர் பெற்று அணியினை மீட்டு எடுத்தனர். அதன் பின்னர் மொஹமட் நவாஸ், ஷதாப் கான் ஆகியோரின் இணைப்பாட்டம் பாகிஸ்தான் அணியின் ஓட்ட எண்ணிக்கையை உயர்திக்கொடுத்தது.

நெதர்லாந்து அணி பந்துவீச்சில் சிறப்பாகவே செயற்பட்டது. பஸ் டி லீட் சிறப்பாக பந்துவீசி 4 விக்கெட்களை கைப்பற்றிக்கொண்டார்.

2011 ஆம் ஆண்டு உலகக்கிண்ண தொடருக்கு பின்னர் நெதர்லாந்து அணி உலகக்கிண்ண தொடரில் இம்முறை களமிறங்கியுள்ளது.