இந்தியா அதிரடி வெற்றி

உலகக்கிண்ண தொடரின் ஒன்பதாவது போட்டி இந்தியா, மற்றும் ஆப்கானிஸ்தான் அணிகளுக்கிடையில் டெல்லி, அருண்ஜட்லி மைதானத்தில் நடைபெற்ற போட்டியில் இந்தியா அணி அதிரடி வெற்றி பெற்றது.

273 ஓட்டங்கள் என்ற வெற்றியிலக்குடன் துடுப்பாடிய இந்தியா அணி 35 ஓவர்களில் 2 விக்கெட்களை இழந்து 273 ஓட்டங்களை பெற்றது.

ரோஹித் ஷர்மா அதிரடி நிகழ்த்தி 63 பந்துகளில் சதத்தை பூர்த்தி செய்தார். ஆரம்ப விக்கெட் இணைப்பாட்டமாக 156 ஓட்டங்களை இஷன் கிஷன், ரோஹித் ஷர்மா பகிர்ந்தனர். இது ரோஹித் ஷர்மாவின் உலககிண்ணத்தின் 7 ஆவது சதமும், அவரது 31 ஆவது சதமும் ஆகும். உலகக்கிண்ண தொடரில் பெறப்பட்ட கூடுதலான சதங்கள் என்ற சாதனையை நிலைநாட்டியுள்ளார். இதற்கு முன்னர் சச்சின் ரெண்டுல்கார் ஆறு சதங்களை பெற்றமையே சாதனையாகும்.

நாணய சுழற்சியில் வெற்றி பெற்ற ஆப்கானிஸ்தான் அணி துடுப்பாட்டத்தை தெரிவு செய்தது. ஆரம்ப விக்கெட்களை வேகமாக இழந்து. 13.1 ஓவர்களில் 63 ஓட்டங்களுக்கு மூன்று விக்கெட்கள் என்ற நிலையில் ஜோடி சேர்ந்த ஹஸ்மதுல்லா ஷஹீதி, அஷ்மதுல்லா ஓமர்ஷாய் ஆகியோரின் சத இணைப்பாட்டம் ஆபாகனிஸ்தான் அணிக்கு பலமாக அமைந்தது. இந்தியா அணிக்கு எதிர்பாராத தலையிடியாக இது மாறியது. முதல் மூன்று விக்கெட்களும் வேகப்பந்து வீச்சாளர்களினால் வீழ்த்தப்பட்டன. சுழற்பந்து வீச்சாளர்கள் அச்சுறுத்துவார்கள் என்ற எதிர்பார்ப்பை இந்த ஜோடி தகர்த்தது. ஹார்டிக் பாண்ட்யா 121 ஓட்ட இணைப்பாட்டத்தை முறியடித்தார். சிறப்பாக துடுப்பாடிய ஆப்கானிஸ்தான் அணியின் தலைவர் ஹஸ்மதுல்லா ஷஹீதி 80 ஓட்டங்ளை பெற்ற நிலையில் குல்தீப் யாதவின் பந்துவீச்சில் ஆட்டமிழந்தார்.

ஜஸ்பிரிட் பும்ரா இறுதி நேரத்தில் விக்கெட்களை தகர்க்க ஆபகானிஸ்தான் அணியின் ஓட்ட எண்ணிக்கை கட்டுப்படுத்தப்பட்டது.

துடுப்பாட்ட வீரர்களுக்கு சாதக தன்மையான மைதானத்தில் இந்த ஓட்ட எண்ணிக்கையினை துரத்தியடித்து பெறுவது பலமான இந்தியா அணிக்கு கடினமாக அமையாது என்றே எதிர்பார்க்கப்படுகிறது.

இந்த மைதானத்தில் நடைபெற்ற தென்னாபிரிக்கா மற்றும் இலங்கை அணிகளுக்கிடையிலான போட்டியில் கூடுதலான மொத்த ஓட்ட எண்ணிக்கை, ஒரு அணியின் மொத்த ஓட்ட எண்ணிக்கை, வேகமான சதம் ஆகிய உலகக்கிண்ண சாதனைகள் நிகழ்த்தப்பட்டன.

டெங்கு காய்ச்சலினால் பாதிக்கப்பட்ட சுப்மன் கில் இந்தப் போட்டியிலும் விளையாடவில்லை. வேகப்பந்து வீச்சாளர் மேலதிகமாக தேவை என்ற நிலையில் ரவிச்சந்திரன் அஷ்வின் நீக்கப்பட்டு ஷர்டூல் தாகூர் அணியில் சேர்க்கப்பட்டுள்ளார்.

அணி விபரம்

ஆப்கானிஸ்தான் அணி: ஹஷ்மதுல்லா ஷஹிதி (தலைவர்), ரஹ்மனுல்லா குர்பாஸ், இப்ராஹிம் ஷர்டான், ரஹ்மத் ஷா சுர்மதி, நஜிபுல்லா ஷர்டான், மொஹமட் நபி , எய்சகில், அஸ்மதுல்லா ஓமர்சாய், ரஷீட் கான்,முஜீப் உர் ரஹ்மான், அஹமட் லகன்வாய், நவீன் உல் ஹக் முரீத், பஷால்ஹக் பரூக்கி

இந்திய அணி: ரோஹித் ஷர்மா(தலைவர்), விராத் கோலி, ஷ்ரேயாஸ் ஐயர், லோகேஷ் ராகுல், ஹார்டிக் பாண்ட்யா, ரவீந்தர் ஜடேஜா, குல்தீப் யாதவ், ஜஸ்பிரிட் பும்ரா, மொஹமட் சிராஜ், இஷன் கிஷன், ஷர்டூல் தாகூர்