இங்கிலாந்தை உருட்டி எடுத்து வெற்றி பெற்றது இந்தியா

இந்தியா மற்றும் இங்கிலாந்து அணிகளுக்கிடையில் உலககிண்ணத்தொடரின் 29 ஆவது போட்டியாக லக்னோவில் இன்று (29.10) நடைபெற்று வருகிறது. இந்த போட்டியில் இந்தியா அணி 100 ஓட்டங்களினால் வெற்றி பெற்றது.

நாணய சுழற்சியில் வெற்றி பெற்ற இங்கிலாந்து அணி களத்தடுப்பை தெரிவு செய்துள்ளது.

இந்தியா அணியின் முதல் விக்கெட் வீழ்ந்தவுடன் அடுத்த 2 விக்கெட்களும் சம இடைவெளிகளில் வீழ்த்தப்பட்டன. 4 விக்கெட் இணைப்பாட்டத்திற்காக ஜோ சேர்ந்த ரோஹித் ஷர்மா, லோகேஷ் ராகுல் ஆகியோர் சிறப்பாக துடுப்பாடி 91 ஓட்டங்களை இணைப்பாட்டமாக பகிர்ந்ததுடன் அணியின் ஓட்ட எண்ணிக்கையினை உயர்திக்கொடுத்தனர். லோகேஷ் ராகுல் ஆட்டமிழந்ததுடன் மீண்டும் விக்கெட்டுகள் சம இடைவெளிகளில் வீழ்த்தப்பட்டன.

இந்தியா அணி 50 ஓவர்களில் 09 விக்கெட்களை இழந்து 229 ஓட்டங்களை பெற்றது.

இங்கிலாந்து அணியின் முதல் விக்கெட் இணைப்பாட்டம் சிறப்பாக அமைந்திருந்தாலும் முதல் விக்கெட் வீழ்ந்தவுடன் விக்கெட்டுகள் சம இடைவெளிகளில் வீழ்த்தப்பட்டன. இந்தியா அணியில் எல்லோரும் இறுக்கமாக பந்துவீசினர். மொஹமட் ஷமி இறுக்கமாக பந்துவீசி விக்கெட்களைக் கைப்பற்றிக்கொண்டதுடன் ஓட்டங்களை வழங்காமல் இறுக்கமாக பந்துவீசினார். இந்தியா அணியின் துடுப்பாட்டத்தில் பந்துவீச்சாளர்களுக்கு சாதகமான மைதானத்தில் நிதானமாக துடுப்பாடி 87 ஓட்டங்களை பெற்றுக்கொண்டார்.

இங்கிலாந்து அணி 34.5 ஓவர்களில் சகல விக்கெட்களையும் 129 இழந்து ஓட்டங்களை பெற்றது.

அணி விபரம்

இந்திய அணி: ரோஹித் ஷர்மா(தலைவர்), சுப்மன் கில், விராத் கோலி, ஷ்ரேயாஸ் ஐயர், லோகேஷ் ராகுல், சூர்யகுமார் யாதவ், ரவீந்தர் ஜடேஜா, குல்தீப் யாதவ், ஜஸ்பிரிட் பும்ரா, மொஹமட் சிராஜ், மொஹமட் ஷமி

இங்கிலாந்து அணி: ஜோஸ் பட்லர் (தலைவர்), ஜோனி பார்ஸ்டோவ், பென் ஸ்டோக்ஸ், லியாம் லிவிங்ஸ்டன், டேவிட் மலான், ஆடில் ரஷிட், ஜோ ரூட், மொயின் அலி, மார்க் வூட், கிறிஸ் வோக்ஸ், டேவிட் வில்லி