இங்கிலாந்து வெற்றி. பாகிஸ்தான் அரை இறுதி வாய்ப்பை இழந்தது

பாகிஸ்தான் மற்றும் இங்கிலாந்து அணிகளுக்கிடையில் உலககிண்ணத்தொடரின் 44 ஆவது போட்டியில் இங்கிலாந்து அணி ஓட்டங்களினால் வெற்றி பெற்றுள்ளது. இந்த வெற்றியின் மூலம் இங்கிலாந்து அணி ஏழாமிடத்தில் நிறைவு செய்துள்ளது. பாகிஸ்தான் அணி ஐந்தாமிடத்தில் நிறைவு செய்துள்ளது.

இதனடிப்படையில் இந்தியா, நியூசிலாந்து அணிகள் முதலாவது அரை இறுதிப் போட்டியிலும், தென்னாபிரிக்கா மற்றும் அவுஸ்திரேலியா அணிகளுக்கிடையில் இரண்டாவது அரை இறுதிப் போட்டியும் நடைபெறவுள்ளது.

கொல்கத்தா ஈடன் கார்டன்ஸ் மைதானத்தில் இன்று (11.11) நடைபெற்ற போட்டியில் நாணய சுழற்சியில் வெற்றி பெற்ற இங்கிலாந்து அணி துடுப்பாட்டத்தை தெரிவு செய்து 50 ஓவர்களில் 09 விக்கெட்களை இழந்து 337 ஓட்டங்களை பெற்றது.

இங்கிலாந்து அணி ஆரம்பம் முதலே அதிரடி நிகழ்த்தி வந்தது. முதல் விக்கெட் இணைப்பாட்டத்திற்காக ஜோடி சேர்ந்த ஜொனி பாஸ்டோ, டாவிட் மலான் ஆகியோர் 84 ஓட்டங்களை இணைப்பாட்டமாக பகிர்ந்து கொண்டனர். ஜொனி பாஸ்டோ அவரது 17 ஆவது அரைச்சதத்தையும் இந்த உலககிண்ணத்தில் 1 ஆவது அரைச்சதத்தையும் பூர்த்தி செய்துகொண்டார். முதல் விக்கெட் வீழ்ந்தவுடன் அடுத்த விக்கெட் வேகமாக வீழ்த்தப்பட்டது. 3 ஆவது விக்கெட் இணைப்பாட்டத்திற்காக ஜோடி சேர்ந்த ஜோ ரூட், பென்ஸ் ஸ்ட்ரோக்ஸ் ஆகியோர் 132 ஓட்டங்களை இணைப்பாட்டமாக பகிர்ந்து கொண்டதுடன் இருவரும் அரைச்சதங்களை பூர்த்தி செய்து கொண்டனர். பென்ஸ் ஸ்ட்ரோக்ஸ் அவரது 24 ஆவது அரைச்சதத்தையும், இந்த உலககிண்ணத்தில் 2 ஆவது அரைச்சதத்தையும் ஜோ ரூட் அவரது 39 ஆவது அரைச்சதத்தையும் இந்த உலககிண்ணத்தில் 1 ஆவது அரைச்சதத்தையும் பூர்த்தி செய்துகொண்டனர். 3 ஆவது விக்கெட் வீழ்ந்தவுடன் அடுத்த விக்கெட் வேகமாக வீழ்த்தப்பட்டது.

பதிலுக்கு துடுப்பாடிய பாகிஸ்தான் அணி இங்கிலாந்து அணியின் பந்துவீச்சில் தடுமாறியது. ஆரம்பம் முதலே விக்கெட்களை இழந்தமையினால் மிகப்பெரிய ஓட்ட இலக்கை துரதியடிக்க முடியவில்லை.

அணி விபரம்

பாகிஸ்தான் அணி: பபர் அசாம் (தலைவர்), ஷதாப் கான், அகா சல்மான், அப்துல்லா ஷபிக், பக்கர் சமான் , முகமட் ரிஸ்வான், சவுத் ஷகீல், இப்திகார் அகமட், ஹரிஸ் ரவூப், மொஹமட் வசீம், ஷஹீன் அப்ரிடி

இங்கிலாந்து அணி : ஜோஸ் பட்லர் (தலைவர்), ஜொனி பாஸ்டோ, டாவிட் மலான், ஜோ ரூட், பென்ஸ் ஸ்ட்ரோக்ஸ், ஹரி புரூக், மொயீன் அலி , டேவிட் வில்லி, ஆதில் ரஷீட், கஸ் அடிக்சன், கிறிஸ் வோக்ஸ்