இலங்கை மற்றும் ஆப்கானிஸ்தான் அணிகளுக்கிடையிலான ஒற்றை டெஸ்ட் போட்டியின் இரண்டாம் நாள் ஆட்டம் கொழும்பு SSC மைதானத்தில் இன்று (03.02) நிறைவடைந்துள்ளது. இரண்டாவது நாளில் துடுப்பாடி வரும் இலங்கை அணி 101.2 ஓவர்களில் 06 விக்கெட்களை இழந்து 410 ஓட்டங்களை பெற்றுள்ளது. ஆரம்ப விக்கெட் இணைப்பாட்டமாக திமுத் கருணாரத்ன, நிஷான் மதுஷ்க ஆகியோர் 93 ஓட்டங்களை பகிர்ந்தனர். அதன் பின்னர் மூன்று விக்கெட்கள் வேகமாக வீழ்த்தப்பட ஜோடி சேர்ந்த அஞ்சலோ மத்தியூஸ். டினேஷ் சந்திமால் ஜோடி சிறந்த இணைப்பாட்டத்தை ஏற்படுத்தி இலங்கை அணியை முன்னணிக்கு எடுத்துக் சென்றனர். இருவரும் 232 ஓட்டங்களை பகிர்ந்தனர். அஞ்சலோ மத்தியூஸ் 141 ஓட்டங்களையும். டினேஷ் சந்திமால் 107 ஓட்டங்களையும் பெற்றனர். இது மத்தியூஸின் 16ஆவது டெஸ்ட் சேதமாகும். சந்திமால் தனது 15 ஆவது சதத்தை பூர்த்தி செய்துள்ளார். திமுத் கருணாரட்ன 77 ஓட்டங்களையும், நிஷான் மதுஷ்க 37 ஓட்டங்களையும் பெற்றனர்.
நவீட் ஷர்டான் மற்றும் குவைஸ் அஹமட் ஆகியோர் தலா இரண்டு விக்கெட்களை கைப்பற்றியுள்ளனர்.
நாணய சுழற்சியில் வெற்றி பெற்ற இலங்கை அணி களத்தடுப்பை தெரிவு செய்தது.
முதலில் துடுப்பாடிய ஆப்கானிஸ்தான் அணி 62.4 ஓவர்களில் சகல விக்கெட்களையும் இழந்து 198 ஓட்டங்களை பெற்றது. இதில் ரஹ்மத் ஷா 91(139) ஓட்டங்களையும், நூர் அலி சட்ரன் 31(46) ஓட்டங்களையும் பெற்றனர். பந்துவீச்சில் விஸ்வ பெர்னாண்டோ 4 விக்கெட்களையும், பிரபாத் ஜயசூர்ய, அசித்த பெர்னாண்டோ ஆகியோர் தலா 3 விக்கெட்களையும் கைப்பற்றினார்கள்.
அணி விபரம்
இலங்கை
திமுத் கருணாரட்ன, நிஷான் மதுஷ்க, குஷல் மென்டிஸ், அஞ்சலோ மத்தியூஸ், டினேஷ் சந்திமால், தனஞ்ஜய டி சில்வா(தலைவர்), சதீர சமரவிக்ரம, சமிக்க குணசேகர, பிரபாத் ஜயசூர்ய, விஸ்வ பெர்னாண்டோ, அசித்த பெர்னான்டோ
ஆப்கானிஸ்தான்
இப்ரஹிம் சட்ரன், நூர் அலி சட்ரன், ரஹ்மத் ஷா, ஹஷ்மதுல்லா ஷஹிடி(தலைவர்), நசிர் ஜமால், இக்ரம் அலிகில், சியா உர் ரெஹ்மான், குயைஸ் அஹமட், நிஜாத் மசூத், மொஹமட் சலீம், நவீத் சட்ரன்
இலங்கை, ஆப்கானிஸ்தான் ஒற்றை டெஸ்ட்டின் முதல் நாள் நிறைவு.
https://vmedianews.com/archives/42897