இந்தியன் பிரீமியர் லீக் தொடரின் மும்பை இந்தியன்ஸ் அணிக்கு எதிரான போட்டியில் கொல்கத்தா நைட் ரைடர்ஸ் அணி வெற்றி பெற்றுள்ளது.
மும்பையில் இன்று(03.05) நடைபெற்ற இந்த போட்டியின் நாணய சுழற்சியில் வெற்றி பெற்ற மும்பை இந்தியன்ஸ் அணி களத்தடுப்பை தெரிவு செய்தது.
அதன்படி, முதலில் துடுப்பெடுத்தாடிய கொல்கத்தா அணி 20 ஓவர்களில் சகல விக்கெட்டுக்களையும் இழந்து 169 ஓட்டங்களைப் பெற்றுக்கொண்டது.
கொல்கத்தா அணி சார்பில் வெங்கடேஷ் ஐயர் 70 ஓட்டங்களையும், மனீஷ் பாண்டே 42 ஓட்டங்களையும் பெற்றுக்கொண்டனர்.
மும்பை அணி சார்பில் பந்துவீச்சில் பும்ரா, நுவான் துஷார ஆகியோர் தலா 3 விக்கெட்டுகளையும், ஹர்திக் பாண்டியா 2 விக்கெட்டுகளையும் கைப்பற்றினர்.
170 ஓட்டங்களை வெற்றி இலக்காக கொண்டு பதிலுக்கு துடுப்பெடுத்தாடிய மும்பை அணி 18.5 ஓவர்களில் சகல விக்கெட்டுக்களையும் இழந்து 145 ஓட்டங்களைப் பெற்று தோல்வியடைந்தது.
மும்பை அணி சார்பில் சூரியகுமார் யாதவ் 56 ஓட்டங்களையும், டிம் டேவிட் 24 ஓட்டங்களையும் பெற்றுக்கொண்டனர்.
கொல்கத்தா அணி சார்பில் பந்துவீச்சில் மிட்செல் ஸ்டார்க் 4 விக்கெட்டுகளையும், வருண் சக்கரவர்த்தி, சுனில் நரைன், ஆன்ட்ரே ரசல் ஆகியோர் தலா 2 விக்கெட்டுகளையும் கைப்பற்றினர்.
இதன்படி, இந்த போட்டியில் கொல்கத்தா நைட் ரைடர்ஸ் அணி 24 ஓட்டங்களினால் வெற்றியீட்டியதுடன் போட்டியின் ஆட்டநாயகனாக வெங்கடேஷ் ஐயர் தெரிவு செய்யப்பட்டார்.
இந்த போட்டியில் வெற்றியீட்டிய கொல்கத்தா அணி ஐ.பி.எல் தொடரின் தரவரிசை பட்டியலில் 14 புள்ளிகளுடன் 2ம் இடத்திலும், மும்பை அணி 6 புள்ளிகளுடன் 9ம் இடத்திலும் உள்ளது.