ஶ்ரீலங்கா கிரிக்கெட் அனுசரணையுடன் கிரிக்கெட்டை மேம்படுத்தும் நோக்கில் வடமாகாண கிரிக்கெட் சங்கத்தினால் ஏற்பாடு செய்யப்படும் வட மாகாணத்தின் மாபெரும் கிரிக்கெட் தொடரின் 7வது போட்டியில் Jaffna Gladiators அணி வெற்றி பெற்றுள்ளது.
வவுனியா நகரசபை மைதானத்தில் இன்று(05.05) நடைபெற்ற போட்டியில் Jaffna Gladiators மற்றும் Vavuniya Vikings அணிகள் பலப்பரீட்சை நடத்தியிருந்தன.
போட்டியின் நாணய சுழற்சியில் வெற்றி பெற்ற Jaffna Gladiators அணி முதலில் துடுப்பெடுத்தாட தீர்மானித்தது.
அதன்படி, Jaffna Gladiators அணி 20 ஓவர்களில் 7 விக்கெட் இழப்பிற்கு 154 ஓட்டங்களைப் பெற்றுக்கொண்டது.
Jaffna Gladiators அணி சார்பில் நவரத்தினம் திரிசிகன் 51 ஓட்டங்களையும், ரவீந்திரன் மதுஷன் 28 ஓட்டங்களையும் பெற்றுக்கொண்டனர்.
Vavuniya Vikings அணி சார்பில் பந்துவீச்சில் எஸ் பானுஷன், சிவநாதன் ஆகியோர் தலா 2 விக்கெட்டுகளை கைப்பற்றினர்.
155 ஓட்டங்களை வெற்றி இலக்காக கொண்டு பதிலுக்கு துடுப்பெடுத்தாடிய Vavuniya Vikings அணி 17.1 ஓவர்களில் சகல விக்கெட்டுக்களையும் இழந்து 91 ஓட்டங்களை மாத்திரம் பெற்று தோல்வியடைந்தது.
Vavuniya Vikings அணி சார்பில், எஸ் பானுஷன் 22 ஓட்டங்களையும், பாலநாதன் யசோதரன் 19 ஓட்டங்களையும் பெற்றுக்கொண்டனர்.
Jaffna Gladiators அணி சார்பில் பந்துவீச்சில் ஏ டெஸ்டின் 3 விக்கெட்டுக்களையும், ரவீந்திரன் மதுஷன், எஸ் கஜானன், டி டேனிசியஸ் ஆகியோர் தலா 2 விக்கெட்டுகளையும் கைப்பற்றினர்.
இதன்படி, இந்த போட்டியில் Jaffna Gladiators அணி 63 ஓட்டங்களினால் அபார வெற்றியீட்டியதுடன், போட்டியின் ஆட்ட நாயகனாக Jaffna Gladiators அணியின் ரவீந்திரன் மதுஷன் தெரிவு செய்யப்பட்டார்.