டி20 உலகக் கிண்ணத்திற்கான பயிற்சி போட்டிகளில் அயர்லாந்து அணிக்கு எதிரான போட்டியில் இலங்கை அணி வெற்றி பெற்றது. இரு அணிகளுக்கும் இடையிலான போட்டி அமெரிக்காவின் லாடர்ஹில் மைதானத்தில் நேற்று(31.05) நடைபெற்றது. போட்டியின் நாணய சுழற்சியில் வெற்றி பெற்ற அயர்லாந்து அணி களத்தடுப்பை தெரிவு செய்தது.
அதன்படி, முதலில் துடுப்பெடுத்தாடிய இலங்கை அணி 20 ஓவர்களில் 8 விக்கெட் இழப்பிற்கு 163 ஓட்டங்களைப் பெற்றுக்கொண்டது. இலங்கை அணி சார்பில் அஞ்சலோ மெத்தியூஸ் 32 ஓட்டங்களையும், வனிந்து ஹசரங்க 26 ஓட்டங்களையும் பெற்றுக்கொண்டனர்.
164 ஓட்டங்களை வெற்றி இலக்காக கொண்டு பதிலுக்கு துடுப்பெடுத்தாடிய அயர்லாந்து அணி 18.2 ஓவர்களில் சகல விக்கெட்டுகளையும் இழந்து 122 ஓட்டங்களை பெற்று தோல்வியடைந்தது. இலங்கை அணி சார்பில் பந்து வீச்சில் தசுன் ஷானக 4 விக்கெட்டுகளை கைப்பற்றினார்.
இதன்படி, இந்த போட்டியில் இலங்கை அணி 41 ஓட்டங்களினால் வெற்றியீட்டியது. டி20 உலகக் கிண்ணத்திற்கான பயிற்சி போட்டிகளில் இலங்கை அணி இரண்டு போட்டிகளில் பங்குபற்றியிருந்ததுடன், முதலாவது பயிற்சிப் போட்டியில் நெதர்லாந்து அணியிடம் தோல்வியுற்றமை சுட்டிக்காட்டத்தக்கது.