ஆப்கானிஸ்தான் மற்றும் நியூசிலாந்து அணிகளுக்கிடையில் இன்று (08.06) T20 உலககிண்ணத்தின் 14 ஆவது போட்டி மேற்கிந்திய தீவுகளிலுள்ள ப்ரொவிடென்சில் நடைபெற்றது. இந்த போட்டியில் ஆப்கானிஸ்தான் அணி 84 ஓட்டங்களினால் வெற்றி பெற்று புள்ளிப்பட்டியலில் முதலாவது இடத்தை கைப்பற்றியுள்ளது.
நாணய சுழற்சியில் வெற்றி பெற்ற நியூசிலாந்து அணி களத்தடுப்பை தெரிவு செய்தது.
முதலில் துடுப்பாடிய ஆப்கானிஸ்தான் அணி 20 ஓவர்களில் 6 விக்கெட்களை இழந்து 159 ஓட்டங்களை பெற்றது. இதில் ரஹ்மனுல்லா குர்பாஸ் 80 ஓட்டங்களையும், இப்ரஹிம் சட்ரன் 44 ஓட்டங்களையும் பெற்று 103 ஓட்டங்களை முதல் விக்கெட் இணைப்பாட்டமாக பகிர்ந்து கொண்டனர். பந்துவீச்சில் ட்ரெண்ட் போல்ட், மட் ஹென்றி ஆகியோர் தலா 2 விக்கெட்களை கைப்பற்றினார்கள்.
பதிலுக்கு துடுப்பாடிய நியூசிலாந்து அணி 15.2 ஓவர்களில் சகல விக்கெட்களையும் இழந்து 75 ஓட்டங்களை பெற்றது. இதில் கிளென் பிலிப்ஸ் அதிகபட்சமாக 18 ஓட்டங்களை பெற்றுக்கொண்டார். பந்துவீச்சில் பசல்ஹக் பரூக்கி, ரஷீத் கான் ஆகியோர் தலா 4 விக்கெட்களையும், மொஹமட் நபி 2 விக்கெட்களையும் கைப்பற்றினார்கள்.
இந்த போட்டியின் நாயகனாக ரஹ்மனுல்லா குர்பாஸ் தெரிவு செய்யப்பட்டார்.