டி20 உலகக் கிண்ணத் தொடரில் கனடா அணிக்கு எதிரான போட்டியில் பாகிஸ்தான் அணி வெற்றியீட்டியது. அமெரிக்கா, நியூயார்க்கில் இன்று(11.06) நடைபெற்ற இந்த போட்டியின் நாணய சுழற்சியில் வெற்றி பெற்ற பாகிஸ்தான் அணி களத்தடுப்பை தெரிவு செய்தது.
அதன்படி, முதலில் துடுப்பெடுத்தாடிய கனடா அணி 20 ஓவர்களில் 7 விக்கெட் இழப்பிற்கு 106 ஓட்டங்களை மாத்திரம் பெற்றுக்கொண்டது. கனடா அணி சார்பில் ஆரோன் ஜான்சன் 52 ஓட்டங்களை பெற்றுக் கொண்டார். பாகிஸ்தான் அணி சார்பில் பந்து வீச்சில் மொஹமட் அமீர், ஹரிஸ் ரவூப் ஆகியோர் தலா 2 விக்கெட்டுக்களை கைப்பற்றினர்.
107 ஓட்டங்களை வெற்றி இலக்காக கொண்டு பதிலுக்கு துடுப்பெடுத்தாடிய பாகிஸ்தான் அணி 17.3 ஓவர்களில் 3 விக்கெட்டுக்களை இழந்து வெற்றியிலக்கை கடந்தது. பாகிஸ்தான் அணி சார்பில் ரிஸ்வான் 53 ஓட்டங்களையும், அணித் தலைவர் பாபர் அசாம் 33 ஓட்டங்களையும் பெற்றுக்கொண்டனர். கனடா அணி சார்பில் பந்து வீச்சில் டிலோன் ஹெய்லிகர் 2 விக்கெட்டுக்களை கைப்பற்றினார்.
இதன்படி, இந்த போட்டியில் பாகிஸ்தான் அணி 7 விக்கெட்டுகளினால் வெற்றியீட்டியதுடன், போட்டியின் ஆட்ட நாயகனாக பாகிஸ்தான் அணியின் மொஹமட் அமீர் தெரிவு செய்யப்பட்டார்.