மொத்த உள்நாட்டு உற்பத்தியில் வளர்ச்சி..!

2024 ஆம் ஆண்டின் முதல் காலாண்டில், மொத்த உள்நாட்டு உற்பத்தியில் 5.3 வீத வளர்ச்சி ஏற்பட்டுள்ளது.

மக்கள் தொகைக் கணக்கெடுப்பு மற்றும் புள்ளிவிபரத் திணைக்களம் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

2024 ஆம் ஆண்டின் முதல் காலாண்டில் 3,329,583 மில்லியன் ரூபாவாக பதிவான மொத்த உள்நாட்டு உற்பத்தி 2023 ஆம் ஆண்டின் முதல் காலாண்டில் 3,161,963 மில்லியன் ரூபாவாக பதிவாகியுள்ளது.

2024 ஆம் ஆண்டின் முதல் காலாண்டில், விவசாயம், தொழில்துறை மற்றும் சேவைப் பொருளாதார நடவடிக்கைகள் முறையே 1.1%, 11.8% மற்றும் 2.6% வளர்ச்சியைப் பதிவு செய்துள்ளன.