தம்புள்ளை சிக்சேர்ஸ் மற்றும் கோல் மார்வல்ஸ் அணிகளுக்கிடையிலான இன்றைய(09.07) இரண்டாவது போட்டி கண்டி தம்புள்ளை ரங்கிரி சர்வதேச கிரிக்கெட் மைதானத்தில் ஆரம்பமாகியுள்ளது. இந்தப் போட்டியில் நாணய சுழற்சியில் வெற்றி பெற்ற கோல் மார்வல்ஸ் அணி பந்துவீச்சை தெரிவு செய்துள்ளது.
கோல் மார்வல்ஸ் அணி 4 போட்டிகளில் 3 வெற்றிகளோடு 6 புள்ளிகளைப் பெற்று முதலாமிடத்தில் காணப்படுகிறது தம்புள்ளை சிக்சர்ஸ் அணி 4 போட்டிகளில் 1 வெற்றியோடு ஐந்தாமிடத்தில் காணப்படுகிறது. இரு அணிகளும் இந்த தொடரில் முதற் தடவையாக மோதுகின்றன.
அணி விபரம்
காலி அணி மாற்றங்களின்றி கடந்த போட்டியில் விளையாடிய அணியோடு விளையாடுகிறது. முஸ்டபைசூர் ரஹ்மானுக்கு பதிலாக நுவான் துசார தம்புள்ளை அணியில் விளையாடுகிறார்.
தம்புள்ள சிக்சேர்ஸ் – நுவனிது பெர்னாண்டோ, குஷல் ஜனித் பெரேரா, மொஹமட் நபி, மார்க் சப்மன், சமிந்து விக்ரம்சிங்கே, துஷான் ஹேமந்த, டில்ஷான் மதுசங்க , ரீஷா ஹென்றிக்ஸ்,லஹிரு உதார, நுவான் பிரதீப், நுவான் துசார
கோல் மார்வல்ஸ் – பானுக்க ராஜபக்ஷ, நிரோஷன் டிக்வெல்ல, மஹீஸ் தீக்ஷண, ரிம் ஷெய்பேர்ட், அலெக்ஸ் ஹேல்ஸ், ஜனித் லியனகே, டுவைன் ப்ரட்டோரியஸ், ஷஹான் ஆராச்சிகே, ஷகூர் கான், , இசுரு உதான,கவிந்து நதீஷான்