லங்கா பிரீமியர் லீக் தொடரில் கண்டி பல்கோன்ஸ் அணிக்கு எதிரான போட்டியில் கோல் மார்வல்ஸ் அணி வெற்றி பெற்றது. தம்புள்ளை, ரங்கிரி சர்வதேச கிரிக்கெட் மைதானத்தில் இன்று(10.07) நடைபெற்ற இந்த போட்டியின் நாணய சுழற்சியில் வெற்றி பெற்ற காலி அணி களத்தடுப்பை தெரிவு செய்தது.
அதன்படி, முதலில் துடுப்பெடுத்தாடிய கண்டி அணி 20 ஓவர்களில் 9 விக்கெட் இழப்பிற்கு 187 ஓட்டங்களைப் பெற்றுக்கொண்டது. கண்டி அணி சார்பில் அன்றே ப்லட்சர் 69(43) ஓட்டங்களையும் தினேஷ் சந்திமால் 32(14) ஓட்டங்களையும் பெற்றுக்கொண்டனர். காலி அணி சார்பில் பந்து வீச்சில் பிரபாத் ஜெயசூர்ய 3 விக்கெட்டுக்களையும், டுவைன் பிரிட்டோரியஸ் 2 விக்கெட்டுக்களையும் கைப்பற்றினர்.
188 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய காலி 19.2 ஓவர்களில் 2 விக்கெட்டுக்களை மாத்திரம் இழந்து வெற்றியிலக்கை கடந்தது. காலி அணி சார்பில் அலெக்ஸ் ஹேல்ஸ் 86(55) ஓட்டங்களையும், பானுக்க ராஜபக்ஷ 46(26) ஓட்டங்களையும் பெற்றுக்கொண்டனர். கண்டி அணி சார்பில் பந்து வீச்சில் வனிந்து ஹசரங்க, அன்றே ப்லட்சர் ஆகியோர் தலா ஒரு விக்கெட்டுக்களை கைப்பற்றினர்.
இதன்படி, இந்த போட்டியில் கோல் மார்வல்ஸ் அணி 8 விக்கெட்டுக்களினால் வெற்றியீட்டியதுடன், போட்டியின் ஆட்ட நாயகனாக காலி அணியின் பிரபாத் ஜெயசூர்ய தெரிவு செய்யப்பட்டார்.
லங்கா பிரீமியர் லீக் தொடரில் தரவரிசையில் காலி அணி 6 போட்டிகளில் 4 வெற்றிகளைப் பெற்று 8 புள்ளிகளுடன் 2ம் இடத்திலும், கண்டி அணி 6 போட்டிகளில் 2 வெற்றிகளைப் பெற்று 4 புள்ளிகளுடன் இறுதியிடத்திலும் உள்ளது.