கோல் மார்வல்ஸ், மற்றும் தம்புள்ளை சிக்சேர்ஸ் அணிகளுக்கிடையிலான லங்கா பிரீமியர் லீக் கிரிக்கெட் தொடரின் போட்டி கொழும்பு ஆர்.பிரேமதாச மைதானத்தில் ஆரம்பித்துள்ளது. நாணய சுழற்சியில் வெற்றி பெற்ற தம்புள்ளை சிக்சேர்ஸ் அணி களத்தடுப்பை தெரிவு செய்துள்ளது.
காலி அணி 6 போட்டிகளில் விளையாடி 4 வெற்றிகளோடு 8 புள்ளிகளைப் பெற்றுள்து. தம்புள்ளை அணி 5 போட்டிகளில் விளையாடி 4 புள்ளிகளோடு காணப்படுகிறது. இந்த நிலையில் தம்புள்ளை அணி இன்றைய போட்டியில் வெற்றி பெறுவது முக்கியத்துவம் வாய்ந்ததாக அமைகிறது.
யாழ் மற்றும் காலி அணிகள் அடுத்த சுற்று வாய்ப்பை பெற்றுள்ளன. கண்டி. தம்புள்ளை, கொழும்பு ஆகிய மூன்று அணிகளும் அடுத்த சுற்றுக்கான வாய்ப்புகளுடன் காணப்படுகின்றன.
நடைபெறும் இந்தப் போட்டி புற்றுநோய் நிதி சேகரிப்புக்கான போட்டியாக நடைபெறவுள்ளது. தம்புள்ளை அணி உரிமையாளரின் சிந்தனைக்கு அமைவாக இரு அணிகளும் இந்தப் போட்டியில் மோதுகின்றன. அத்தோடு ஸ்ரீலங்கா கிரிக்கெட்டும் தமது பங்களிப்பை செய்வதாக அறிவித்துள்ளது.
அணி விபரம்
காலி அணி மாற்றங்களின்றி விளையாடுகிறது. தம்புள்ளை அணி சார்பாக நுவனிது பெர்னாண்டோ நீர்க்கப்பட்டு இப்ராஹிம் ஷர்டான் இன்று விளையாடுகிறார்/
கோல் மார்வல்ஸ் – பானுக்க ராஜபக்ஷ, நிரோஷன் டிக்வெல்ல, மஹீஸ் தீக்ஷண, ரிம் ஷெய்பேர்ட், அலெக்ஸ் ஹேல்ஸ், ஜனித் லியனகே, டுவைன் ப்ரட்டோரியஸ், ஷஹான் ஆராச்சிகே, பிரபாத் ஜயசூரிய, இசுரு உதான,கவிந்து நதீஷான்
தம்புள்ள சிக்சேர்ஸ் – இப்ராஹிம் ஷர்டான், குஷல் ஜனித் பெரேரா, மொஹமட் நபி, மார்க் சப்மன், சமிந்து விக்ரம்சிங்கே, துஷான் ஹேமந்த, டில்ஷான் மதுசங்க , ரீஷா ஹென்றிக்ஸ்,லஹிரு உதார, நுவான் பிரதீப், நுவான் துசார