இந்துக்கல்லூரி கொழும்பு 04, 15 வயதுக்குட்பட்ட அணிக்கும், ஏசியன் கிரமர் 15 வயதுக்குட்பட்ட அணிக்குமிடையில் ண்மடைபெற்ற பிரிவு 03 போட்டியில் இந்துக்கல்லூரி அணி அபார வெற்றி ஒன்றை பெற்றுள்ளது.
முதலில் துடுப்பெடுத்தாடிய இந்துக்கல்லூரி அணி 6 விக்கட்டுக்களை இழந்து 204 ஓட்டங்களைப் பெற்று ஆட்டத்தை நிறுத்திக்கொண்டது. துடுப்பாட்டத்தில் ஜஸ்வதன் 79 ஓட்டங்களையும் சர்வீஸ் 49 ஓட்டங்களையும் பெற்றனர். தமது முதல் இன்னிங்சில் துடுப்பாடிய Asian Garmmer அணி 33 ஓட்டங்களுக்குள் சகல விக்கட்டுக்களையும் இழந்தது. பலோ ஒன் முறையில் இரண்டாவது இனிங்சிற்காக துடுப்பாடிய Asian Garmmer அணி சகல விக்கட்டுக்களையும் இழந்து 102 ஓட்டங்களைப் பெற்றது. இதன் மூலம் இந்துக்கல்லூரி ஒரு இனிங்ஸ் மற்றும் 69 ஓட்டங்களால் அபார வெற்றி பெற்றது. இந்துக் கல்லூரி அணி சார்பாக அபினேஷ் முதல் இனிங்ஸில் 5 விக்கட்டுக்களையும், இரண்டாவது இனிங்ஸில் 5 விக்கட்டுகளையும் கைப்பற்றி இந்துக்கல்லூரி அணியின் வெற்றிக்கு கைகொடுத்தார்.
இந்த வெற்றியின் மூலம் இந்துக் கல்லூரி அணி இரண்டாம் சுற்றுக்கு தெரிவாவதற்கான வாய்ப்பு பிரகாசமாகியுள்ளது.
இந்துக்கல்லூரி கிரிக்கெட் அக்கடமி ஆரம்பித்து இரண்டு வருடங்கள் பூர்த்தியாகியுள்ளன. இந்த வருடங்களில் கிரிக்கெட் வளர்ச்சி அடைந்துள்ளது என்பதனை இந்த வெற்றிகள் வெளிக்காட்டுகின்றன. ஏற்கனவே 17 வயதுக்குட்பட்ட அணியும் இரண்டாம் சுற்று வாய்ப்பை பெற்றுள்ளது.