வெங்கட் பிரபு இயக்கத்தில் தளபதி விஜய் நடித்திருக்கும் GOAT திரைப்படம் எதிர்வரும் செப்டெம்பர் மாதம் 05ம் திகதி வெளிவரவுள்ளது.
இத்திரைப்படத்தில் ஏற்கனவே 3 பாடல்கள் வெளியாகி உள்ள நிலையில், அவை எதிர்பார்த்த அளவு ரசிகர்களுக்கு திருப்தியளிக்கவில்லை.
இதனால் இத்திரைப்படத்தின் அடுத்த பாடாலாவது ரசிகர்களை திருப்தியடைய வைக்கும் என்று அனைவராலும் எதிர்பார்க்கப்படுகின்றது.
அடுத்த பாடலின் லிரிக் வீடியோவானது GOAT திரைப்பட இசையமைப்பாளரான யுவன் ஷங்கர் ராஜாவின் பிறந்த தினமான ஆகஸ்ட் 31ம் திகதி வெளியிடப்படவுள்ளது.
இப்பாடலில் நடிகை த்ரிஷா மற்றும் தளபதி விஜய் ஆகியோர் இணைந்து நடனமாடியுள்ளனர்.
இத்திரைப்படத்தில் சில காட்சிகளில் நடித்திருக்கும் நடிகை த்ரிஷாவின் கதாபாத்திரம் திரைக்கதையில் முக்கிய அம்சமாகக் கருதப்படுவதன் காரணமாக, இவ் லிரிக் வீடியோவில் அவரின் தோற்றம் கசிந்து திரைப்படத்தின் சுவாரசியம் குறைந்துவிடும் என்பதினால், லிரிக் வீடியோவில் இருந்து நடிகை த்ரிஷாவின் காட்சிகள் நீக்கம் செய்யப்பட்டுப் பாடல் வெளியிடப்படும் என்று தகவல் வெளியாகியுள்ளது.