நடிகர் விஜய் நடிக்க உள்ள 69 ஆவது படம் குறித்த உத்தியோகப்பூர்வ அறிவிப்பு வெளியாகியுள்ளது.
இந்த படத்தை பிரபல தயாரிப்பு நிறுவனமான கே.வி.என் நிறுவனம் தயாரிக்கவுள்ளது.
விஜய் நடிக்கும் கடைசி படத்திற்கு தற்காலிகமாக ‘தளபதி 69’ என பெயரிடப்பட்டுள்ளது. அதன் பிறகு சினிமாவை விட்டு விலகி முழு நேர அரசியலில் கவனம் செலுத்தவுள்ளதாக தெரிவித்துள்ளார்.
‘தளபதி 69’ படத்தை அஜித் நடித்த நேர்கொண்ட பார்வை, வலிமை, துணிவு ஆகிய படங்களை இயக்கிய எச்.வினோத் இயக்க உள்ளார்.
மேலும் மோகன்லால், சமந்தா, சிம்ரன், மமிதா பைஜு ஆகியோர் முக்கிய கதாபாத்திரங்களில் நடிக்க இருப்பதாகவும் தகவல்கள் வெளியாகி உள்ளன.
அனிருத் இசையமைக்க உள்ளதாகவும், அடுத்த வருடம் ஒக்டோபர் மாதம் இந்தப் படம் வெளியாகும் என்றும் தீப்பந்ததை ஏந்தியபடி இருக்கும் போஸ்டரை பகிர்ந்து தயாரிப்பு நிறுவனம் அறிவித்துள்ளது.
இந்தப் படத்தின் முதற்கட்டப் பணிகள் தீவிரமாக நடைபெற்று வருகின்றன. தற்போது போஸ்டர் இணையத்தில் வைரலாகி வருகிறது.