வவுனியாவில் இன்று(07.09) முதல் கொரோனா தடுப்பூசிகள் – இன்றைய & நாளைய (08.09)விபரம்

வவுனியாவில் இன்று முதல் கொரோனா தடுப்பூசிகள் வழங்கும் பணிகள் ஆரம்பிக்கின்றன.வவுனியா பிராந்திய சுகாதார திணைக்களத்திலிருந்து காலை வேளையில் தடுப்பூசிகள், தடுப்பூசிகள் வழங்கும்  நிலையங்களுக்கு  எடுத்துச் செல்லப்பட்டுள்ளன. தங்களது கிராமசேவகரிடமிருந்து விண்ணப்பபடிவத்தையும் வரிசை இலக்கத்தையும்(டோக்கன்)  பெற்றுக் கொண்டு அந்தந்த கிராம சேவகர் பிரிவுகளுக்காக ஒதுக்கப்பட்டுள்ள இடங்களுக்கு சென்று தடுப்பூசிகளை பெற்றுக் கொள்ளுமாறு சுகாதார திணைக்களம் வேண்டுகோள் விடுத்துள்ளது. தினமும், காலை 8 மணி முதல் பிற்பகல் 2 மணிவரையே தடுப்பூசிகள் வழங்கப்படும். அனைவருக்கும் தடுப்பூசிகள் வழங்கப்படும். ஆகவே பொறுமையாக, தோற்று பரவாத வகையில் மக்களை நடந்து கொள்ளுமாறும் சுகாதார திணைக்களம் வேண்டுகோள் விடுத்துள்ளது. முதலாவது, இரண்டாவது ஊசிகளை பெற்றுக்கொள்ளும் அனைவரும் கிராமசேவையாளரிடம் விண்ணப்பபடிவம் மற்றும் டோக்கன் பெறப்பட வேண்டும். சரியான தகவல்களையும், ஊசி போட்டுக்கொண்டவர்களின் முழுமையான தரவுகளையும் கிராம சேவையாளர் பிரிவுகளூடாக பெற்றுக்கொள்ளவே இந்த விண்ணப்படிவம் நிரப்பும் முறை பாவிக்கப்படுவதாக சுகாதார திணைக்களம் அறிவித்துள்ளது. இந்த நடைமுறையின் மூலம் ஊசி போடும் செயற்பாடுகள் இலகு படுத்தப்பட்டுளளதாகவும் மேலும் தெரிவிக்கப்பட்டுள்ளது.

ஊசிபோடுதல் தொடர்பில் அறிவித்தல்கள் தொடர்ச்சியாக கிராம சேவையாளரூடாக வழங்கப்படுமெனவும், அறிவிக்கப்படாத பகுதிகள் மற்றும் வயது பிரிவுகள் தொடர்பிலும் கிராமசேவையாளர்கள் ஊடக அறிவித்தல்கள் வழங்கப்பபடுமெனவும் அவற்றினடிப்படையில் செயற்படுமாறும் வவுனியா மாவட்ட தொற்றியலாளர் வைத்தியகலாநிதி சே.லவன் மக்களிடம் வேண்டுகோள் விடுத்துள்ளார். 

எமது வி தமிழ் இணையத்தின் ஊடாகவும் தடுப்பூசிகள் வழங்குதல் தொடர்பில் எமக்கு கிடைக்கும் விபரங்களை முழுமையாக தொடர்ச்சியாக வழங்கவுள்ளோம்.

இன்று (07.09.2021)  தடுப்பூசி வழங்கும் நிலையங்கள்

நாளை (08.09.2021) தடுப்பூசி வழங்கும் நிலையங்கள்