2024ம் ஆண்டிற்கான மகளிர் டி20 உலகக் கிண்ணத் தொடரில் மேற்கிந்தியத் தீவுகள் அணிக்கு எதிரான போட்டியில் தென்னாப்பிரிக்கா அணி அபார வெற்றி பெற்றுள்ளது. டுபாய் சர்வதேச கிரிக்கெட் மைதானத்தில் இன்று(04.10) பிற்பகல் இந்த போட்டி நடைபெற்றது.
போட்டியின் நாணய சுழற்சியில் வெற்றி பெற்ற தென்னாப்பிரிக்கா மகளிர் அணி களத்தடுப்பை தெரிவு செய்தது. அதன்படி முதலில் துடுப்பெடுத்தாடிய மேற்கிந்தியத் தீவுகள் அணி 20 ஓவர்கள் நிறைவில் 6 விக்கெட் இழப்பிற்கு 118 ஓட்டங்களைப் பெற்றுக்கொண்டது. மேற்கிந்தியத் தீவுகள் சார்பில் ஸ்டாபானி டெய்லர் 44(41) ஓட்டங்களைப் பெற்றுக்கொள்ள ஏனைய வீரர்கள் குறைந்தளவு ஓட்டங்களுக்கு ஆட்டமிழந்தனர்.
தென்னாப்பிரிக்கா சார்பில் பந்து வீச்சில் Nonkululeko Mlaba 4 விக்கெட்டுக்களையும், Marizanne Kapp 2 விக்கெட்டுக்களையும் கைப்பற்றினர்.
119 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய தென்னாப்பிரிக்கா மகளிர் அணி, 17.5 ஓவர்களில் விக்கெட் இழப்பின்றி வெற்றியிலக்கை கடந்தது. தென்னாப்பிரிக்கா சார்பில் லாரா வோல்வார்ட் 59(55) ஓட்டங்களையும், டாஸ்மின் பிரிட்ஸ் 57 ஓட்டங்களையும் பெற்றுக்கொண்டனர்.
இதன்படி, தென்னாப்பிரிக்கா மகளிர் அணி 10 விக்கெட்டுக்களினால் வெற்றியீட்டியதுடன், தென்னாப்பிரிக்காவின் Nonkululeko Mlaba ஆட்ட நாயகியாகத் தெரிவு செய்யப்பட்டார்.