2024ம் ஆண்டிற்கான மகளிர் டி20 உலகக் கிண்ணத் தொடரில் ஸ்கொட்லாந்துக்கு எதிரான போட்டியில் மேற்கிந்தியத் தீவுகள் வெற்றி பெற்றுள்ளது. இந்த போட்டி டுபாய் சர்வதேச கிரிக்கெட் மைதானத்தில் இன்றிரவு(06.10) நடைபெற்றது.
போட்டியின் நாணய சுழற்சியில் வெற்றி பெற்ற ஸ்கொட்லாந்து மகளிர் அணி முதலில் துடுப்பெடுத்தாட தீர்மானித்தது. அதன்படி ஸ்கொட்லாந்து 20 ஓவர்கள் நிறைவில் 8 விக்கெட் இழப்பிற்கு 99 ஓட்டங்களை மாத்திரம் பெற்றுக்கொண்டது. ஸ்கொட்லாந்து சார்பில் ஐல்சா லிஸ்டர் 26(33) ஓட்டங்களையும், கேத்ரின் பிரைஸ் 25(31) ஓட்டங்களையும் பெற்றுக்கொண்டனர்.
மேற்கிந்தியத் தீவுகள் சார்பில் பந்து வீச்சில் அபி பிளெட்சர் 3 விக்கெட்டுக்களை கைப்பற்றினார்.
100 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய மேற்கிந்தியத் தீவுகள் மகளிர் அணி 11.4 ஓவர்களில் 4 விக்கெட்டுக்களை மாத்திரம் இழந்து வெற்றியிலக்கை கடந்தது. மேற்கிந்தியத் தீவுகள் சார்பில் கியானா ஜோசப் 31(18) ஓட்டங்களையும், டியான்ட்ரா டொட்டின் 28(15) ஓட்டங்களையும் பெற்றுக்கொண்டார்.
ஸ்கொட்லாந்து சார்பில் பந்து வீச்சில் ஒலிவியா பெல் 2 விக்கெட்டுக்களை கைப்பற்றினர்.
இதன்படி, மேற்கிந்தியத் தீவுகள் மகளிர் அணி 6 விக்கெட்டுக்களினால் வெற்றியீட்டியது. இதனுடாக குழு Bயில் உள்ள மேற்கிந்தியத் தீவுகள் புள்ளிப் பட்டியலில் முதலிடத்திற்கு முன்னேறியது.
