ரயிலில் மோதி தாயும் மகனும் பலி

திருகோணமலை – சீனக்குடா பகுதியில் ரயிலில் மோதி தாயும் மகனும் சம்பவ இடத்திலேயே உயிரிழந்துள்ளனர்.

இந்த சம்பவம் நேற்று பிற்பகல் (11.10) இடம்பெற்றுள்ளது.

சீனக்குடா பகுதியைச் சேர்ந்த 47 வயதுடைய தாயும் 10 வயதான மகனுமே இவ்வாறு உயிரிழந்துள்ளனர்.

ரயில் பாதையை கடக்கும் போதே இந்த விபத்து சம்பவித்துள்ளதாக பொலிஸார் தெரிவித்துள்ளனர்.

கல்ஓயாவிலிருந்து திருகோணமலை நோக்கி பயணித்த ரயிலில் மோதி குறித்த இருவரும் உயிரிழந்துள்ளனர்.

சம்பவம் தொடர்பில் சீனக்குடா பொலிஸார் மேலதிக விசாரணைகளை மேற்கொண்டு வருகின்றனர்.