சர்வதேசக் கிரிக்கெட் பேரவை 2024 ஆம் ஆண்டுக்கான வளர்ந்து வரும் வீரர் விருதுக்கான இறுதிப் பட்டியலை வெளியிட்டுள்ளது. இலங்கை அணியின் வீரர் கமிந்து மென்டிஸ் இந்த பட்டியலில் உள்ளடக்கப்பட்டுள்ளார். அவரோடு இங்கிலாந்து அணியின் கஸ் அட்கின்சன், பாகிஸ்தான் அணியின் சைம் அயுப், மேற்கிந்திய தீவுகள் அணியின் சமர் ஜோசெப் ஆகியோர் இறுதிப் பட்டியலில் பெயரிடப்பட்டுள்ளனர். 2024 ஆம் ஆண்டு கமிந்து மென்டிஸ் மிகவும் சிறப்பாக விளையாடிய நிலையில் அவருக்கு இந்த விருதை வெற்றி பெறுவதற்கான வாய்ப்புகள் அதிகம் காணப்படுகின்றன.
ஆண்களுக்கான பட்டியலோடு, மகளிருக்கான பட்டியலையும் சர்வதேசக் கிரிக்கட் பேரவை வெளியிட்டுள்ளது. தென்னாபிரிக்கா அணியின் அன்னெறி டெர்க்சன், ஸ்கொட்லாந்து அணியின் சஸ்கியா ஹோர்லி, இந்தியாவின் ஷ்ரேயங்க பட்டில், அயர்லாந்தின் பிரேயா சர்ஜென்ட் ஆகியோர் இந்த இறுதிப் பட்டியலில் இடம் பிடித்துள்ளனர்.