சர்வதேச கிரிக்கெட் பேரவையினால் நடாத்தப்படும் 19 வயதுக்குட்பட்ட மகளிர் உலகக்கிண்ண கிரிக்கெட் தொடரில் இலங்கை அணி இந்தியா அணியுடன் 60 ஓட்டங்களினால் மோசமான தோல்வி ஒன்றை சந்தித்துள்ளது. இரண்டாம் சுற்றுக்கு இலங்கை அணி தெரிவாகியுள்ள நிலையில் குழு A இல் இரண்டாமிடத்தை பெற்றுக்கொண்டுள்ளது. முதலிடத்தை இந்தியா அணி பெற்றுள்ளது.
இந்தப் போட்டியில் முதலில் துடுப்பாடிய இந்தியா அணி 20 ஓவர்களில் 9 விக்கெட்களை இழந்து 118 ஓட்டங்களை பெற்றுள்ளது. கொங்கதி த்ரிஷா 49 ஓட்டங்களை பெற்றுக்கொண்டார். இலங்கை அணியின் பந்துவீச்சில் ப்ரமுடி மெத்சரா, லிமின்சா திலகரட்ன, அஷேனி தலகுனே ஆகியோர் தலா 2 விக்கெட்ளை கைப்பற்றினார்கள்.
பதிலுக்கு துடுப்பாடிய இலங்கை அணி 20 ஓவர்களில் 9 விக்கெட்களை இழந்து 58 ஓட்டங்களை பெற்றுக்கொண்டது.
முதல் சுற்றுப் போட்டிகள் நிறைவடைந்துள்ள நிலையில் இந்தியா, இலங்கை, இங்கிலாந்து, அமெரிக்கா, தென்னாபிரிக்கா, நைஜீரியா, அவுஸ்திரேலியா, பங்களாதேஷ் ஆகிய அணிகள் இரண்டாம் சுற்றுக்கு தகுதி பெற்றுள்ளன. மேற்கிந்திய தீவுகள், நியூசிலாந்து, பாகிஸ்தான் ஆகிய முக்கிய அணிகள் அடுத்த சுற்று வாய்ப்பை இழந்துள்ளன.