சம்பியன்ஸ் கிண்ணத்தை வெற்றியோடு ஆரம்பித்த இந்தியா

இந்தியா மற்றும் பங்களாதேஷ் அணிகளுக்கிடையில் இன்று(20.02) சம்பியன்ஸ் கிண்ணத்தின் இராண்டாவது போட்டியாக துபாய் சர்வதேச கிரிக்கெட் மைதானத்தில் நடைபெற்றது. இந்த போட்டியில் இந்தியா 5 அணி விக்கெட்களினால் வெற்றி பெற்றுள்ளது.

நாணய சுழற்சியில் வெற்றி பெற்ற பங்களாதேஷ் அணி துடுப்பாட்டத்தை தெரிவு செய்தது.

முதலில் துடுப்பாடிய பங்களாதேஷ் அணி 49.4 ஓவர்களில் சகல விக்கெட்களையும் இழந்து 228 ஓட்டங்களை பெற்றது. இதில் தௌஹித் ரிதோய் 100(118) ஓட்டங்களையும், ஜேகர் அலி 68(114) ஓட்டங்களையும், தன்சிட் ஹசன் 25(25) ஓட்டங்களையும் பெற்றனர். பங்களாதேஷ் அணி ஆரம்பத்திலிருந்தே தடுமாறி வந்தது. 6 ஆவது விக்கெட் இணைப்பாட்டத்திற்காக ஜோடி சேர்ந்த ஜெகர் அலி, டௌகித் ரிதோய் ஆகியோர் 154 ஓட்டங்களை இணைப்பாட்டமாக பகிர்ந்து ஓட்ட எண்ணிக்கையினை உயர்த்தினர். இது தௌஹித் ரிதோயின் முதல் சதமாகும்.

இந்தியா அணியின் பந்துவீச்சில் மொஹமட் ஷமி 5 விக்கெட்களையும், ஹர்ஷித் ராணா 3 விக்கெட்களையும், அக்ஷர் படேல் 2 விக்கெட்களையும் கைப்பற்றினர். மொஹமட் ஷமி அவரின் 200 ஆவது ஒரு நாள் சர்வதேச விக்கெட்களை இன்று கைப்பற்றினார்.

பதிலுக்கு துடுப்பாடிய இந்தியா அணி ஓவர்களில் 5 விக்கெட்களை இழந்து ஓட்டங்களை பெற்றது. இதில் ஷுப்மன் கில் ஓட்டங்களையும், ரோஹித் ஷர்மா 41(36) ஓட்டங்களையும், KL ராகுல் ஓட்டங்களையும் பெற்றனர். இது ஷுப்மன் கில்லின் 6 ஆவது சதமாகும்.

பங்களாதேஷ் அணியின் பந்துவீச்சில் ரிஷாத் ஹொசைன் 2 விக்கெட்களையும், தஸ்கின் அஹமட், முஸ்தபிசுர் ரஹ்மான் ஆகியோர் தலா ஒவ்வொரு விக்கெட்களை கைப்பற்றினார்கள்.