அவுஸ்திரேலியா மற்றும் இங்கிலாந்து அணிகளுக்கிடையில் இன்று(22.02) சம்பியன்ஸ் கிண்ணத்தின் 4 ஆவது போட்டியாக லஹோரில் நடைபெற்றது. இந்த போட்டியில் அவுஸ்திரேலியா அணி 5 விக்கெட்களினால் வெற்றி பெற்றது.
நாணய சுழற்சியில் வெற்றி பெற்ற அவுஸ்திரேலியா அணி களத்தடுப்பை தெரிவு செய்தது.
முதலில் துடுப்பாடிய இங்கிலாந்து அணி 50 ஓவர்களில் விக்கெட்களை இழந்து ஓட்டங்களை பெற்றது. சம்பியன்ஸ் கிண்ணத்தில் இது இங்கிலாந்து அணியின் அதிகூடிய ஒட்டமாகும். இதில் பென் டக்கெட் 165(143) ஓட்டங்களையும், ஜோ ரூட் 68(78) ஓட்டங்களையும் பெற்றனர். இது பென் டக்கெடின் 3 ஆவது சதமும் அவரின் முதல் 150 ஓட்டங்களுமாகும். இங்கிலாந்து அணியின் முதல் இரு விக்கெட்களும் வேகமாக வீழ்த்தப்பட்டன. 3 ஆவது விக்கெட் இணைப்பாட்டத்திற்காக ஜோடி சேர்ந்த பென் டக்கெட், ஜோ ரூட் ஆகியோர் 158 ஓட்டங்களை இணைப்பாட்டமாக பகிர்ந்து அணியின் ஓட்ட எண்ணிக்கயை உயர்த்தினர்.
அவுஸ்திரேலியா அணியின் பந்துவீச்சில் பென் டுவர்ஸியஸ் 3 விக்கெட்களையும், ஆடம் சம்பா, மார்னஸ் லபுஸ்சென் ஆகியோர் தலா 2 விக்கெட்களையும் கைப்பற்றினர்.
பதிலுக்கு துடுப்பாடிய அவுஸ்திரேலியா அணி 47.3 ஓவர்களில் 5 விக்கெட்களை இழந்து 356 ஓட்டங்களை பெற்றது. இதில் ஜோஷ் இங்கிலீஸ் ஆட்டமிழக்காமல் 120(86) ஓட்டங்களையும், அலெக்ஸ் கேரி 69(63) ஓட்டங்களையும், மார்னஸ் லபுஸ்ஷேன் 47(45) ஓட்டங்களையும், கிளென் மக்ஸ்வெல் ஆட்டமிழக்காமல் 32(15) ஓட்டங்களையும் பெற்றனர். இது ஜோஷ் இங்கிலீசின் முதலாவது சதமாகும். அவுஸ்திரேலியா அணியின் முதலிரு விக்கெட்களும் வேகமாக அடுத்தடுத்து வீழ்த்தப்பட்டன. 3 ஆவது விக்கெட் இணைப்பாட்டத்திற்காக ஜோடி சேர்ந்த மத்தியூ ஷோர்ட், மார்னஸ் லபுஸ்ஷென் ஆகியோர் 95 ஓட்டங்களை இணைப்பாட்டமாக பகிர்ந்து அணியின் ஓட்ட எண்ணிக்கையினை உயர்த்தினர். இவர்கள் இருவரும் ஆட்டமிழந்ததை தொடர்ந்து 5 ஆவது விக்கெட் இணைப்பாட்டத்திற்காக ஜோடி சேர்ந்த அலெக்ஸ் கேரி, ஜோஷ் இங்கிலீஸ் ஆகியோர் 146 ஓட்டங்களை இணைப்பாட்டமாக பகிர்ந்து ஓட்ட எண்ணிக்கையினை மேலும் உயர்த்தினர்.
இங்கிலாந்து அணியின் பந்துவீச்சில் மார்க் வூட், ஜோப்ரா ஆர்ச்சர், அடீல் ரஷீத், ப்ரைடன் கார்ஸ், லியாம் லிவிங்ஸ்டன் ஆகியோர் தலா ஒவ்வொரு விக்கெட்களை கைப்பற்றினர்.